ГлавнаяСельское хозяйствоХив АПК-йин артмиш’валин натижйирикан

Хив АПК-йин артмиш’валин натижйирикан

1 1 1 1 1 1 1 1 1 1 Рейтинг 4.75 (2 Голосов)

5222Гележегдиз бегьер бадали

Дагъустан Республика ва гьадму гьисабнаан Хив район гъулан мяишатдин, асас вуди малдарвалинна мягьсулдарвалин район вуйивализ лигну, райондин гьюкмин кIулиъ айидари му жигьатнаан артмиш’валин хайлин серенжемар гъахура.

Гьаци, гъябгъюрайи йисаз бегьер бадали мягьсулдрари 967 гектариъ чвлин мягьсулар гъурзнийи. Улупнайи мулкариан зегьметкешари вахтниинди кьабул гъапIу уьлчмйирин натижайиъ 2030 тонна тахилар уч гъапIну. Гьарсаб гектариан уч гъапIу тахиларин бегьерну уьмуми гьисабниинди 21 центнер тешкил гъапIну.


– Мягьсулар урзбахьна, тахилар уч апIбахьна райондин зегьметкешар жавабдарвалиинди янашмиш гъахьну. Хъа йис ужудар хъуркьувалариинди къаршуламиш гъапIу мяишатарикан гъапиш, му-шваъ Ляхлаарин, Цналарин, «Ново-Кандык», «Аслан», «Булагъарин дере» мяишатарин зегьметкешари ужудар натижйир гъазанмиш гъапIну.

Тахилар уч гъапIубси, зегьметкешар гележегдиз бина ккивбан ляхнарихъ хъюгъну. ХутIлар швумрахьан марцц дапIну, изнар гъапIну. Улупнайи вахтназ Хив райондиъ 996 га мулкариъ чвлин тумар, гьадму гьисабнаан 981 га дяхин ва 15 га мух гъубзну. Мидланра савайи, Ревшан Мисрихановдин мяишатдиъ 13 гектариъ шаршра кивна, – гъапну Хив райондин администрацияйин гъулан мяишатдин месэлйириз лигру пишекар Султан Аваевди.

Кьюрдуз алафар

Зегьметкешари малар-марччариз тухъ кьюрд яратмиш апIбан месэлйиризра дикъатлу фикир тувра. Кьюрдун эвелариз райондин мяишатариъ 840 тонна укI, 700 тонна лембе, 50 тонна аьлава сурсатар гьязур дапIна. 

Кьюрд пуч’валар адарди кечирмиш апIбан метлебниинди галариз 13050 аьдад марччар, цIигьар, 707 аьхю малар кюч дапIна. 

С.Аваевди къайд апIурайиганси, галариъ ерлешмиш духьнайи ятгъариин ужагъариъ расвалин ляхнар духна. Душвариъ малдарариз яшайиш хьуз лазим вуйи шартIар яратмиш дапIна.

Йимишар ва мейвйир

Йимишарна мейвйир уч апIбан цирклиъра Хив райондин зегьметкешари ужудар хъуркьувалар гъазанмиш дапIна. Гьаци, райондиъ 800 гектариан 13750 тонна картфар уч дапIна. Дурарилан савайи, 680 гектариан 18450 тонна мейвйирра уч дапIна. Хив райондин сяргьятариин ерлешмиш духьнайи 314 га багъариан 230 тоннатIан артухъ йимишарра уч гъапIну.

Комментарии:

f1 in1 ok1 t1 v1 y1

Top