ГлавнаяСельское хозяйствоМалдарвалин сурсатариз артухъ фикир

Малдарвалин сурсатариз артухъ фикир

1 1 1 1 1 1 1 1 1 1 Рейтинг 5.00 (1 Голос)

151Гъубшу гьяфтайиъ «Дагестанская правда» газатдин конференцйир гъахру залиъ Россельхознадзорин РД-йиъ айи Управлениейи ва РД-йин ветеринарияйин Комитетди ветеринарияйихъди аьлакьалу месэлйириз бахш дапIнайи заседание тешкил гъапIну. Душваъ РФ-йин Россельхознадзорин РД-йиъ айи Управлениейин, РД-йин ветеринарияйин Комитетдин, РД-йин жилинна девлетнан ва ариш-веришчивалин министерствойин вакилар ва гьацира йиккун сурсатарихъди аьлакьа айи касари иштираквал гъапIнийи.

 Серенжем ачмиш апIури, Россельхознадзорин Управлениейин Урусатдин гьюкуматдин сяргьатариин ва транспортдиъ ветеринарияйин гюзчивал гъабхру отделин начальник Гьяжимягьямед Азаевди къайд гъапIганси, 2018-пи йисан 1-пи январихъан мина малдарвалин вари сурсат Федералин гьюкуматдин мялуматарин «Меркурий» кIуру гъурулушдиъ ветеринарийин чарасуз дапIну ккуни электрондин сертификация апIуз хъюгъра.

«Му жюрейин сертификация апIували малдарвалин сурсатар чан хаммалилан ккебгъну, магазиндиъ масу тувайизкьан гюзчиваликк уьрхюз мумкинвал тувра. Яна мал-къара уьбхюз хъюгъну, думу дубккну, дидин лабораторияйин ахтармиш`валар духну ва хъанара имбу ляхнар аьхирихъна хайизкьан, дидкан вуйи вари мялумат «Меркурий» программа улупура. Цирклиъ му жюрейин цIийивалар тIаъбан асас метлеб – базрариъ, гъулан мяишатдин сурсарин базрариъ аьмал жюрейиинди лихурайи дилаварчйир гъидритувал ва гьацира ипIру-убхъру сурсатарин ери за апIувал ву», – гъапнийи Гь. Азаевди. Дугъу хабар тувиганси, «Меркурий» программайин къайдайиинди мал-къара уьбхюри масу туврайидариси, гьязур вуйи йиккун сурсатарихъди ляхин апIурайи карханйирира, идарйирира, сабпи нубатнаъди яшайишдин идарйири: мектебари, больницйири, интернатар ва гьацдар жарадари ляхин тамам дапIну ккунду.

 Дупну ккундуки, гъубшу заседаниейиъ мялум гъапIганси, гъюру йисан ветеринарияйин электрондин документар адарди гъабхьиш, думу касарин гьякьнаан Федералин налогарин гъуллугънаъ фициб жюрейиинди дибикIну къайд дапIнаш дилигну, дурарин 3 агъзурилан 5 агъзур манатдиина журум апIиди.

 Ккудубшу заседаниейиъ уч духьнайидарин улихь удучIвну гъулху Зубайру Нурмягьямедовди гъапиганси, багарихьди республикайин гъулан мяишатдин сурсатар масу туврайи вари базрарин директорарихъди  улупнайи месэлайин гьякьнаан ва ери адру сурсат базрариз гъюз гъидритбан гьякьнаан  гюрюшар гъахуз планламиш дапIна.

 Заседание аьхирихъна гъюри, мина уч духьнайи журналистари дидин тещкилатчйириз чпин суаларра тувнийи. 

Комментарии:

f1 in1 ok1 t1 v1 y1

Top