ГлавнаяСельское хозяйствоНатижйир ужудар ву

Натижйир ужудар ву

1 1 1 1 1 1 1 1 1 1 Рейтинг 5.00 (1 Голос)

IMG 201001Гъябгъюрайи йисан январиан ноябрин вазлизкьан Дагъустан Республикайин гъулан мяишатдин цирклиъ гьясил гъапIу сурсатарин кьадар 110 миллиардна 365 миллион манатдиинакьан за гъабхьну. Му кьадар сачдин гьаму вахтнахъди тевиган, 4,7%-тIан артухъ вуйиб рябкъюра.
РД-йин гъулан мяишатдин ва ипIру-убхъру сурсатарин Министерствойин пресс-гъуллугънаан тувнайи мялуматариинди, къайд дапIнайи кьадарнакан варитIан ужудар натижйир улупу цирклар набататчивалинна малдарвалиндар ву. СачтIан цци набататчивалин цирклиан гъадагъу бегьерарин кьадар – 4,9% за, вая 56 миллиардна 689 миллион манатдин артухъ, хъа малдарвалин цирклин артмиш`валин улупбар сачдин гьаму вахтнахъди тевиган – 4,5% вая 53 миллионна 675 манатдин артухъ гъабхьну.


Министерствойиан тувнайи мялуматариинди, гьаму йисан 1-пи декабриз вуйи улупбариинди, республикайиъ гьяжибугъда ктарди 125,2 агъзур гектар хутIлариъ дубзнайиб дубгну дярябгъна. Думу кьадар сачдин улупнайи вахтнахъди тевиган, цци – 6,6%-дин артухъди ву.
Гьяжибугъдайин гьякьнаан улхуруш, цци тахилиз вуди 15,7 агъзур гектар хутIлариан гьяжибугъда дубгна. Саб гектариан 38,7 центнер уч апIури, ккадабцIу гъяжибугъдайин уьмуми кьадар 60,6 агъзур тонна ву. Картфарикан улхуруш, 21,9 агъзур гектар хутIлариан, саб гектариан 180,1 центнер уч апIури, ккадацIу картфарин уьмуми кьадар 395 агъзур тонна ву.
Мидланра гъайри, гьаму йисан республикайиъ 41,6 агъзур гектар хутIлар, бистнариан 1,46 миллион тонна мейвйир уч дапIна (сачтIан 3,2% артухъди). Яна цци саб гектариан 348,7 центнер мейвйир уч дапIна – му сач саб гектариан уч гъапIу бегьертIан 4% артухъди ву.

Комментарии:

f1 in1 ok1 t1 v1 y1

Top