ГлавнаяСельское хозяйствоГъулан мяишатдин ляхнар давам шула

Гъулан мяишатдин ляхнар давам шула

1 1 1 1 1 1 1 1 1 1 Рейтинг 5.00 (2 Голосов)

DSC00611 copy1468322755Гьамусяаьтна вари Дагъустан вуйибси, гъулан мяишатарин нежбрар кьюрдуз алафар уч апIбиин машгъул духьна.
РД-йин гъулан мяишатдин ва ипIру-убхъру сурсатарин Министерствойин пресс-гъуллугънаан тувнайи мялуматариинди, гъийин йигъаз республикайиъ 1 миллионна 50 агъзур тоннатIан артухъ къуру алафар уч дапIна. Му кьадар сачдин гьаму вахтнахъди тевиган, 28 агъзур тоннайиинакьан артухъди ву.

Уч дапIнайи кьадарнакан 960 агъзур тонна укI, 21,2 агъзур тонна сенаж, 74,7 агъзур тонна лембе ва 1248 тонна силос ву.
Министерствойиан вуйи улупбариинди, варитIан гизаф алафар уч дапIнайидар Хасавюрт райондин мяишатар ву. Гъийин йигъаз душваъ кьюрдуз 129 агъзур тонна алаф уч дапIна.
Алафарихъди сабси, мейвирна имишар ва чвлин мягьсуларра уч апIура. Гъийин йигъаз республикайиъ уч дапIнайи мейвйирин кьадар 550 агъзур тоннатIан артухъ ву, хъа йимишарин кьадар 72,3 агъзур тонна. Уч дапIнайи гъийин йигъаз чвлин мягьсуларин кьадар 160,2 агъзур тонна ву кIури, Министерствойиан хабар тувра.
Мягьсулар уч апIбаан улихьди гъягъюрайи мяишатар Къизлар райондиндар ву (Саки 17 агъзур тонна).
Мейвир уч апIбаан Дербент район (260,3 агъзур тонна), хъа йимишар уч апIбаан Мягьярамкент район (20,2 агъзур тонна) кIакIнаъди гъягъюра.

Комментарии:

f1 in1 ok1 t1 v1 y1

Top