ГлавнаяСельское хозяйство

Гъулан мяишатдин гъайгъушнар

1 1 1 1 1 1 1 1 1 1 Рейтинг 5.00 (1 Голос)

imageИхь республикайин экономика артмиш хьувал асас вуди АПК-йин натижйирикан асиллу ву. Гъулан мяишатдин цирклиъ гьаму вахтна фицдар ляхнар кIули гъахураш, Дербент райондиъ жил фици ишлетмиш апIураш аьгъю апIуз ккунди, улихьна йигъари узу райондин гъулан мяишатдин гьясиллувалин отделин начальник Салигь Сяидовдихъди гъюрюшмиш гъахьунза. Дугъахъди гъабхьи сюгьбат исихъ чап апIурача.

– Салигь Эскерович, аьхиримжи вахтна Дербент райондиъ мархьар ургъури адар. Хьадан вазарира гьамци гъабхьиш, тIумтIарин ва бистнин мейвйирин бегьерназ манигъ’вал хьибдарин?

Россельхознадзорин гъуллугъчйир мугъаятди ву

1 1 1 1 1 1 1 1 1 1 Рейтинг 5.00 (2 Голосов)

444Улихьна йигъари Дагъустандиъ айи Россельхознадзорин Управлениейин инспекторари харижи уьлкйириан республикайиз гъулан мяишатдин сурсатар хьади гъюрайи 1171 машин ахтармиш гъапIну. Думу машинариъди 21,5 агъзур тонна карантин али сурсатар хурайивал ашкар гъабхьну. Сурсатарин арайиъди хурайидар Азербайжандиан вуйи картфарна памадрар ва Ирандиан памадрар, вичар, хумурзгар, иставутар вуйи.

Улупнайи кьадар машинарикан 556 машин Урусатдин регионариз ва Казахстандиз, Белорусияйиз, Польшайиз, Литвайиз, Украинайиз, Германияйиз, Францияйиз ва Италияйиз рякъ дибиснайидар вуйи.

Тумар урзувал давам шули ими

1 1 1 1 1 1 1 1 1 1 Рейтинг 4.75 (2 Голосов)

5eДагъустандиъ гьелелиг тумар урзбан ляхин давам шули ими. РД-йин гъулан мяишатдин ва ипIру-убхъру сурсатарин Министерствойин пресс-гъуллугънаан тувнайи мялуматариинди, гъийин йигъаз республикайин хутIлариъ хьадукран тумар 175 агъзур гектариъ дурзна. Му кьадар гьелелиг планламиш дапIнайибдикан 78,5%-тIан дар.

Улупнайи кьадарнакан 18,5 агъзур гектар хутIлариъ кIул али мягьсулар, 17,6 агъзур гектариъ картфар, 29,5 агъзур гектариъ мейвйир, 10,5 агъзур гектариъ дюгю, 16 агъзур гектариъ гьяжибугъда, 7,3 агъзур гектариъ ригъун кюкю, 26,5 агъзур гектариъ гизаф йисариз вуйи укIар, 40,3 агъзур гектариъ сад йисаз вуйи укIар, 7,3 агъзур гектариъ бахчайин культурйир ва 1,5 агъзур гектариъ миди вуйи культурйир дурзна.

Вари Урусатдин жинснан чарвйирин выставка

1 1 1 1 1 1 1 1 1 1 Рейтинг 4.75 (2 Голосов)

30f128Майин вазлин 14-диан 19-дизкьан Астрахан шагьриъ вари Урусатдин жинснан марччарин ва цIигьарин ХIХ выставка кIули гъубшну. Мидиз улихьна йисариси, ццира выставкайиъ Дагъустандиан вуйи чарвйир иштирак гъахьну. Мялум вуйиганси, аьхиримжи йисари республикайиъ «Мянфяаьтлу АПК» проект уьмриз кечирмиш апIували, жинснан малдарвалра артмиш хьуз гъитну. Гьадму гьисабнаъди йигълан-йигъаз жинснан марччар-цIигьарин кьадарра артухъ шула.

РД-йин гъулан мяишатдин ва ипIру-убхъру сурсатарин Министерствойин пресс-гъуллугънан начальник Мягьямед Аьбдуллаевди мялум гъапIганси, зиихъ къайд дапIнайи выставкайиз министр Аьбдулмуслим Аьбдулмуслимов кIулиъ ади республикайиан аьхю делегация гъубшнийи.

ТIумутIчивализ – асас фикир

1 1 1 1 1 1 1 1 1 1 Рейтинг 4.75 (2 Голосов)

IMG 20180516 WA0007ТIумутIчивал – республикайин экономикайин артмиш’вализ хайлин кюмек туврайи гъулан мяишатдин циркларикан саб ву, ва думу аьхиримжи йисари Дагъустандиъ хайлин улихь дубшна.

Иллагьки «Мянфяаьтлу АПК» важиблу проект уьмриз кечирмиш апIували республикайин тIумутIчивалин цирклиъ йислан-йисаз хайлин ужудар дигиш’валар рякъюз гъитра. Мисалназ, 2013-пи йисан рес-публикайиъ айи тIумтIин багъларин уьмуми кьадар 20 агъзурна 600 гектар, гьадрарикан 16 агъзурна 100 гектар бегьер туврайи багълар вуш, гъи думу кьадар швнуб-саб ражари за дубхьна. Яна гьамусяаьт ихь республикайиъ 26 агъзуртIан артухъ тIумтIин багълар а. Дурарикан 18 агъзур гектар бегьер туврайи багълар ву.

Яркврариъ цIа кабхъувал

1 1 1 1 1 1 1 1 1 1 Рейтинг 5.00 (2 Голосов)

031Ихь республикайиъ улихьдин деврарихъан мина гъийин йигъазкьан гъубзнайи, гьял дапIну ккуни асас читин месэлйирикан саб – яркврариъ цIа кабхъувалихъди аьлакьалу месэла ву. Ухьуз аьгъюганси, яркврарик цIа хъабхъували артмиш шулайи экономикайиз гизаф тясир апIуру, гьаддихъди сабси табиаьтдизра. 

Дагъустан Республикайиъ айи ярквран фонднан жиларин кьадар 528,2 агъзур гектар ву. Гьадму кьадарнакан 438,9 агъзур гектар яркврари ккапIна.

РД-йиъ айи ярквран Комитетдин яркврарин хатIалувал уьбхру ва яркврар цIийи алаъру отделин начальник Рафик Жамаловдин гафариинди, 2018-пи йисан яркврариъ цIа кабхъбахъди аьлакьалу вахт улубкьайиз улихь ккимиди, Комитетди яркврар цIа кабхъувалихьна гьязур апIбан хайлин серенжемар духна.

«Республикайиъ кьялан жюрейиинди цIа кабхъуз мумкинвал айи яркврарин кьадар 145,2 агъзур гектар ву. Хъа цIа кабхъну хатIа хьуз мумкинвал айи наратдин гьарарин яркврари дибиснайи йишв 82,4 агъзур гектар ву. Дици ву гъапну кIури, гьар йисан сабси шулдар. Мисалназ, сач хьад лап къуруб вуйивализ лигну, хайлин йишвариъ бицIи-бицIиди цIа кабхъбан дюшюшар ачмиш гъахьну», – гъапнийи Рафик Герейхановичди.

Россельхознадзори 2017-пи йисандинна 2018-пи йисандин сабпи кварталин натижйир гъивну

1 1 1 1 1 1 1 1 1 1 Рейтинг 5.00 (1 Голос)

99Апрелин 17-пи йигъан Мягьячгъалайиъ Республикайин Милли библиотекайиъ Дагъустандиъ айи Россельхознадзорин Управлениейин пресс-конференция гъабхьну. Конференцияйиъ управлениейи 2017-пи йисандин натижйириз ва 2018-пи йисан сабпи кварталиъ гъапIу ляхнариз бахш дапIнайиб вуйи.

Серенжемдиъ РД-йин гъулан мяишатдин ва ипIру убхъру сурсатарин, РД-йин экологияйинна табиаьтдин девлетарин министерствйирин РД-йин дилаварчйирин агентствойин вакилар ва хайлин жара касар иштирак гъахьнийи.

Ццийин йисан ужуб бегьернак миж киврача

1 1 1 1 1 1 1 1 1 1 Рейтинг 5.00 (1 Голос)

4Аьхиримжи йисари жанлуди ляхин кIули гъабхуз хъюгънайи ихь республикайин АПК-йи ужудар натижйир улупурайиб дярябкъди гъузуз шулдар. Жюрбежюр йишвариъ чIуруди дирчнайи жилар мянфяаьтлуди ишлетмиш апIуз хъюгъри, тIумтIарин ва гьацдар жара йимишарин багълар артухъ апIура.

Дербент райондин гъулан мяишатдин пишекрар тIумутIчивал артмиш апIбиин аьшкьламиш духьнайивал му цирклиъ лихурайидарихъди сюгьбат гъабхуз хъюгъюбси, аьгъю шулу. Жарабдикан улхуб ккебгъишра, дурар тIумтIарикан улхуз хъюгъру ва му ригъун мейвайихъди ляхин апIуз аьгъювалиинди дамагъра апIури шулу.

Хьадукран ляхнар давам шула

1 1 1 1 1 1 1 1 1 1 Рейтинг 5.00 (1 Голос)

3Республикайиъ гъулан мяишатдин набататчивалин цирклин ляхнар ццийин йисан фици гъягъюраш аьгъю апIуз кIури, улихьна йигъари РД-йин гъулан мяишатдин ва ипIру-убхъру сурсатарин Министерствойин набататчивалин Управлениейиз илтIикIунза. Управлениейин консультант Салигь Салигьовди туву мялуматариинди, гъийин йигъаз республикайин мулкарин саки 120 агъзур гектарихьнакьан жилар хъаъну, тумар урзуз гьязур дапIна.

Гьадму кьадар жиларикан хьадукран мягьсулар 26 агъзур гектар хутIлариъ дурзна. Салигь Салигьавди къайд гъапIганси, гьелелиг дурзнайи хутIларин кьадар сачтIан цIибди ву. Фицики цци хьадукар улубкьуз цIиб кьан гъабхьну, яна гьавйир кьаназ мичIалди гъузну. Гьадди хутIлар урзбаз тясир гъапIну.

Йиккун ва итIру сурсатарин электрондин сертификация апIиди

1 1 1 1 1 1 1 1 1 1 Рейтинг 5.00 (1 Голос)

333Апрелин 17-пи йигъан Мягьячгъалайиъ Республикайин Милли библиотекайиъ Дагъустандиъ айи Россельхознадзорин Управлениейин пресс-конференция гъабхьну. Конференция Управлениейин 2017-пи йисандин натижйириз ва 2018-пи йисан сабпи кварталиъ гъапIу ляхнариз бахш дапIнайиб вуйи.

Серенжемдиъ РД-йин гъулан мяишатдин ва ипIру убхъру сурсатарин, РД-йин экологияйинна табиаьтдин девлетарин Министерствйирин, РД-йин дилаварчйирин агентствойин вакилар ва хайлин жара касар иштирак гъахьнийи.

Россельхознадзорин Управлениейин кIулиъ айи Къурбан Рамазановди уч духьнайидариз нубатнан ражари гюзчивал гъабхбан ляхнин реформайикан гъапнийи.

«Гьамусяаьт гюзчивал гъабхурайи федералин дережайин идарйирин, дицисдар идарйирин кьадар 40-кьан ву, варитIан асас вазифа – дилаварчивалиин машгъул духьнайи касариз илзигувал кам апIуб ву. Гьамусдихъан тина дилаварчйирикан шли ужу дарди ляхин апIураш, гьадгъан ляхин ахтармиш апIиди», – гъапнийи Къурбан Рамазановди.

Страница 4 из 11

f1 in1 ok1 t1 v1 y1

Top