ГлавнаяСпортСамбо – даимлугъ гьюрмат

Самбо – даимлугъ гьюрмат

1 1 1 1 1 1 1 1 1 1 Рейтинг 5.00 (1 Голос)

samboУлихьна йигъари Каспийск шагьриъ Аьли Аьлиевдин ччвурнахъ хъайи спортдин дараматдиъ Урусатдин Игит Аьдилгерей МягьямедтIагьировдин гьюрматназ спортдин кчIихбарин самбо жюрейиан Вариурусатдин турнир кIули гъубшну.

Талитариъ гъагънан 9 жюрейиан 150 спортсмен иштирак гъахьнийи.

Турнирин иштиракчйир, хялар ва тамашачйир вахтназ вуди Дагъустандин Правительствойин Председателин сарпи заместителин вазифйир тамам апIурайи Анатолий Карибовди республикайин кIулиъ айидарин ччвурнахъан тебрик гъапIну.

«Гьаму талитар Ватан бадали вафалуди зегьмет зигури гъахьи ва ихь жямяаьтлугъдин арайиъ ислягьвал, саламатвал, гьякьлувал уьбхюри чан жан фида гъапIу Игит – Аьдилгерей МягьямедтIагьировдин ччвурнахъ кIули гъахурайидар ву. Ихь машгьур ватандашдин гьюрмат уьбхюри,  гьаму талитар гъахувалиинди дугъахьна вуйи мани рафтар, республикайиъ ва уьлкейиъ дугъан кьягьялвал ва хъуркьувалар гьархну адрувал улупурахьа», - къайд гъапIну А.Карибовди. Дугъу талитар заан тешкиллувалиинди, аьхю маракьлувалиинди гъягърувалик умуд кивну.  

Талитарин шадлугънан пайнаъ гьацира вахтназ вуди РД-йин Правительствойин Председателин заместителин вазифйир тамам апIурайи Шамиль Исаев, КГБ-йин отставкайиъ айи генерл-майор Уьмар Муртузялиев. Аьдилгерей МягьямедтIагьировдин багахьлу Набиюллагь Мягьямедов удучIвну гъулхну.

Вариурусатдин спортдин кчIихбарин самбо жюрейин талитарин асас пешкеш «Лада Гранта» автомобиль вуйи. Талитарин аьхириъ 9 гъагънан жюрейиъ гъалиб гъахьи спортсменарин арайиъ тпут ипбан натижайиъ автомобилин сагьиб Рашид Вагьабов (57 кг.) гъахьну.

Къайд апIуб лазим вуки, турнирин саки гьарсаб гъагънан категорияйиъ Дагъустандин спортдин мектебарин спортсменар гъалиб гъахьнийи. Гъалибвалин сабпи йишвариз, Рашид Вагьабовдилан гъайри, Исрапил Гьяжиагъаев (52 кг. Мягьячгъала), Велимурад Алхасов (62 кг. Мягьячгъала), Самад Аьбдулманапов (68 кг. Каспийск), Мурат Тляруков (74 кг. Ставрополь), Шамилагъа Амиров (82 кг. Каспийск), Сяид Сяидов (90 кг. Мягьячгъала), Гьядис Ибрагьимов (100 кг. Мягьячгъала), Паша Хархачаев (+100 кг. Мягьячгъала) лайикьлу гъахьну. 

Комментарии:

f1 in1 ok1 t1 v1 y1

Top