ГлавнаяСпортВари дюн`яйин чемпион гъахьну

Вари дюн`яйин чемпион гъахьну

1 1 1 1 1 1 1 1 1 1 Рейтинг 4.75 (4 Голосов)

fcc7c9c4 349b 4e93 b4cd ddb42cf95260Улихьна йигъари Москва шагьрин ЦСК-йин аренайиъ спортдин грепплинг жюрейиан вари дюн`яйин чемпионат кIули гъубшну. Думу чемпионатдин талитариъ Хючна гъулаъ яшамиш шулайи Гурихъ гъулан ватанагьли  Рамазан Гьясратов 75 кило гъагъ айи спортсменарин арайиъ вари дюн'яйин чемпион гъахьну.
Рамазан Гьясратовдин гафариинди, чемпионатдиъ думу 5 ражари талитариз удучIвну, дурарикан 2 кчIихуб улупнайи вахт ккимиди ккудукIну.

«Талитарин финалиъ узу ММА жюрейин спортдиъ Кабардино – Балкарияйиан вуйи машгьур спортсмен Мягьяммад Кокоевдихъди кчIихуз удучIвунза ва 4:2 гьисабниинди дугъ`ин гъалиб гъахьунза. Му чемпионатдихьна узу Мягьячгъала шагьрин Абубакаровдин ччвурнахъ хъайи спортклубдиъ Мягьяммад Аьбдулкьадировдин тренерваликкди гьязур гьахьунза», – гъапнийи чемпионди.

Къайд дапIну ккундуки, гъийин йигъаз Рамазан Гьясратов ММА-йиан Европайин, Урусатдин чемпионатарин пешкешнан йишварин сагьибра ву. Гъит дугъаз хъанара артухъ хъуркьувалар ишри!

Комментарии:

f1 in1 ok1 t1 v1 y1

Top