ГлавнаяСпортТабасарандин живан даягъ

Табасарандин живан даягъ

1 1 1 1 1 1 1 1 1 1 Рейтинг 5.00 (1 Голос)
I/Яв баяр, Табасаран/

Урусатдин жюрбежюр пIипIариъ яшамиш шулайи табасаран жигьиларин хъуркьуваларикан ихь халкьдиз мялум апIбан бадали, учу вари мумкинвалар ишлетмиш апIурача. Гьаци, бицIи Ватан – Табасарандин дамагъ ва даягъ вуйи ихь гъуларин бажаранлу кьягьяларикан газатдин машариъ сикин дарди мялуматар туврача. 

Гьякьикьатдин далилари субут апIурайиганси, табасаран миллетдин вакилари гъи илимдин ва спортдин рякъюъ берекетлу гамар алдагъура. Деврин технологйирин артмиш’валин натижайиъ гьяракатнаъ айи жюрбежюр социалин сетарира, жиниб дар, наан ашра багъри юрдарихъди аьлакьйир уьрхюз мумкинвал тувра.


Му макьалайиъ ихь ватанагьлийир табасарандин кьягьял живанарин сиягь яркьу апIбак чан хъуркьувалариинди лайикьлу пай киврайи, 2008-пи йисан Табасаран райондин Заан Ягъдигъ гъулаъ бабкан гъахьи Руслан Исмяиловди рази апIиди.
Гъи ихь гъулариъ жигьил хизанар Урусатдин жюрбежюр шагьрариз кючюрмиш хьувал аьдат дубхьна. Русландин абйир-бабарира гьаци чпин яшайиш Ставрополь крайин Зеленокумск шагьриъ ккабалгну, думукьан вахт дубхьнадар.
Мектебдиъ асас аьгъювалар гъадагъбахъди сабси, Русланди азад вахтна чан вари мумкинвалар спортдин рякъюз сарф апIура. Чан адаш Уьсмандин жягьтлувалиинди 7 йислан мина му живан бокс уйнамиш апIбиин машгъул ву. Спортдин рякъюъ чан сабпи гъалибвалра ихь ватанагьлийи улупнайи 2015-пи йисан Зеленокумск шагьрин дережайиъди кIули гъубшу талитариъ гъазанмиш гъапIну.
Декабрин эвелариъ улупнайи шагьрин Курск райондиъ боксдиан кIули гъушу ачухъ талитариъ иштирак духьну, Руслан Исмяиловди 45 кг гъагъ айи боксерарин арайиъ гъалибвалин йишв гъибисну.
Гележегдиъ ихь живан спортсменди чан ватанагьлийир хъанара заан хъуркьувалариинди рази апIур кIури, умуд кивурхьа. Гъит Русландин уьмрин рякъ ягъурлуб ибшри!

Шиклиъ: Руслан Исмяилов.

Комментарии:

f1 in1 ok1 t1 v1 y1

Top