ГлавнаяСпортТомскдин чемпион табасаран бай

Томскдин чемпион табасаран бай

1 1 1 1 1 1 1 1 1 1 Рейтинг 4.50 (1 Голос)

IMG 20171227 WA0041Дагъустан гьар вахтна ужудар аьлимар, шаирар ва спорт-сменар айивалиинди машгьур вуди гъабхьну. Дагъустандиан вуйи, яна чпи дагъустанлуйир вуди жара регионарихъанди спортдин талитариъ иштирак шулайи, спортсменарин кьадарра цIиб дар. Гьацдарин спортсменарин арайиъ гирйир за апIбан спортдин жюрейиан Томский областдин чемпион духьнайи, Хив райондин Ляхла гъулан агьали вуйи Закарья Мирзоевра а.

Дугъу «Табасарандин нурар» газатдиз туву мялуматариинди, му жюрейин спортдиин чав машгъул духьну гьелелиг 6 йистIан даршра, улупурайи натижйир лап ужудар ву.
«Узу Томский областдиъ «Газпромнефть Восток» кIуру компанияйиъ ляхин апIураза. Му компанияйи гьар йисан спортдин жюрбежюр жюрйириан вуйи спартакиада тешкил апIури шулу. Фици-вуш саб ражну гьадму спартакиадайиъ гирйир за апIбан спортдин жюрейиан иштирак хьуз узузра теклиф гъапIнийи, ва узу рази гъахьиза. Гьаддихъан мина спортдин му жюрейиин лап яманди юкIв хъади машгъул гъахьиза. Эвелиан фукьан вушра гъагъиди вуйи, хъа яваш-явашди натижйирра ужудар хьуз хъюгъну», – гъапнийи Закарья Мирзоевди.
Ич сюгьбатнаъ дугъу мялум гъапIганси, гьамусяаьт думу 68 килойиинакьан гирйирин гъагъ за апIбан категорияйиъ иштирак шула. ЙицIуб дакьикьайин арайиъ гьарсаб хилиъди 32 кило айи гирйир за апIувал думукьан рягьят ляхин дар.
Къайд дапIну ккундуки, гъийин йигъаз Закарья Мирзоев Томский областдин дережайиъди швнуб-саб ражари чемпион духьна. Мидланра гъайри, думу «Газпром ПАО-йи» тешкил апIурайи Урусатдин талитариъра иштирак шула. Спортсмендин гафариинди, думу гъюру йисан мартдин вазлиъ Газпром ПАО-йи Сочи шагьриъ тешкил апIру талитариъ иштирак хьуз гьязур шула. Думу талитариъ Закарья Мирзоев гъалиб хьувалик умуд кивдихьа.

Комментарии:

f1 in1 ok1 t1 v1 y1

Top