ГлавнаяСпортСамбойиан талитар

Самбойиан талитар

1 1 1 1 1 1 1 1 1 1 Рейтинг 0.75 (2 Голосов)

8988

Декабрин 5-пи йигъан «Дагъустан» РИА-йин конференцйир гъахру залиъ декабрин 16-диъ Каспийск шагьриъ Аьли Аьлиевдин ччвурнахъ хъайи спортдин дараматдиъ женгнан самбойиан кIули гъябгъру вари дюн’яйин  чемпионатдиз бахш дапIнайи пресс-конференция гъабхьну.

Конференцияйиъ РД-йин спортдин министр Мягьямед Мягьямедовди къайд гъапIганси, Урусатдин Игит Аьдилгерей МягьямедтIагьировдин гьюрмат уьбхюри, чемпионат гьар йисан гъабхувал аьдатнаъ абхъна. 

Чемпионатдихьна гьязур хьпан ляхнарра аьхирихъна гъюра.

Конференцияйиъ журналистарихъди гюрюшдиз Урусатдин лайикьлу тренер Аьбдулманап Нурмягьямедовра дуфнайи. 

Дугъу чан удучIвну улхбаъ къайд гъапIганси, республикайиъ вари дюн’яйин чемпионатдиъ иштирак хьуз жюрбежюр харижи уьлкйириан 16 командайи заявкйир тувна.

Гьарсаб командайиъ 7 спортсмен а. Чемпионат  гъагънан 7 жюрейиан кIули гъябгъиди. Чемпионатдиъ самбойин талитарилан гъайри, ММА-йин къайдйириинди пишекар спортсменарин арайиъра кчIихбар тешкил апIиди.

Чемпионатдиъ уьлкейиъ машгьур вуйи Гьябиб Нурмягьямедов, Рой Джонс, Федор Емельяненко ва хъана жара спортсменар иштирак хьиди.

Чемпионатдин билетарин кьимат 100 манат ву. Билетар Каспийск шагьриъ «Анжи Аренайи», Мягьячгъалайиъ «Динамо» ва Е.Исимбаевайин ччвурнахъ хъайи стадионарин кассйириан масу гъадагъуз шулу. 

Комментарии:

f1 in1 ok1 t1 v1 y1

Top