ГлавнаяСпортСпортдин рякъюъ

Спортдин рякъюъ

1 1 1 1 1 1 1 1 1 1 Рейтинг 4.50 (6 Голосов)

IMG 20181206 WA00011

Сагъламвал мюгькам апIбаъ физкультурайина спортди важиблу роль уйнамиш апIура. Деврар дигиш шули, жямяаьтлугъдин уьмрихьна вуйи лигбарра тялукьдар шула. Артмиш шулайи насларин уьмриъ спортди лайикьлу йишв дибисна. Спортдин рякъюъ табасаран халкьдин кьягьялари гъазанмиш апIурайи хъуркьуваларикан, улупурайи гьунарарикан «Табасарандин нурар» газатдин машариъ макьалйир сикин дарди чап апIурача.

Дугъриданра, ихь ватанагьлийирин удукьувалари ихь халкь вари уьлкейиз адлура апIура. Дурар ихь милли дамагъ ву.

Улихьна йигъари Псков областдин Великие Луки шагьриъ самбойиан спортдин талитар кIули гъушну.  Душваъ иштирак духьну, ихь ватанагьли Шакир Гьясратов 68 кг гъагъ айи спортсменарин арайиъ гъалибвалин 2-пи йишваз лайикь гъахьну. Натижайиъ жигьили спортдин мастериз кандидат ччвур тувбаз лазим вуйи нормативар тамам гъапIну.

Дупну ккундуки, му жигьилин сабпи хъуркьувал дар. Думу РД-йин дережайиъди кIули гъушу талитариъра швнуб-саб ражари гъалибвалин йишвариз лайикь духьна.

Къайд апIурза, Шакир Гьясратов Дагъ.Огни шагьриъ бабкан гъахьну. Дугъан адаш Хив райондин Яргъил, хъа дада ГъуштIил гъулан вакилар ву. Дагъ.Огни шагьрин 7-пи нумрайин мектеб ккудубкIу жигьили аьгъювалар гъадагъбан рякъ Воронеж шагьрин политехнический университетдиъ давам гъапIну. Улупнайи вахтна Шакири Псков шагьрин 76-пи гвардияйин десантно-штурмовой дивизияйиъ намуслуди Ватандиз гъуллугъ апIура.

Гъит, ихь ватанагьлийиз гележегдиъ хъанара аьхю хъуркьувалар ишри!

Шиклиъ: Ш.Гьясратов

 

Комментарии:

f1 in1 ok1 t1 v1 y1

Top