ГлавнаяСпорт

Гъалибвалин рякъ

1 1 1 1 1 1 1 1 1 1 Рейтинг 4.50 (1 Голос)

8py 1

/Яв баяр, Табасаран/

Спортдин рякъюъ жюрбежюр аднан талитариъ заан хъуркьувалар улупури, ихь уьлке вари дюн’яйиз машгьур апIувалик лайикьлу пай киву ва киврайи спортсменарин арайиъ хайлин табасаран баярра а. Дурарикан вуди Камал Ханмягьямедов, гъардшар Назим ва Багьаудин Абасовар, Мартин Сефербегов, Экпер Гьяжиэкперов, Мягьямед Халибегов ва хайлин жарадар улупуз шулу.

Гъийин йиз макьалайиъ узуз учву ихь машгьур спортсмен Мартин Сефербеговдин уьмрихъди, дугъу спортдиъ гъазанмиш гъапIу хъуркьуваларихъди таниш апIуз ккундузуз.

Чав ккагъуз гъитундар

1 1 1 1 1 1 1 1 1 1 Рейтинг 5.00 (1 Голос)

sportЮсуп Сяаьдулаев спортдин ММА жюрейин кчIихбариан Урусатдин машгьур спортсменарикан сар ву. Чан пишекарвалин рякъ дугъу 2008-пи йисан ккебгънийи. Гъийин йигъаз Юсуп 23 ражари дюн’яйин машгьур спортсменарихъди кчIихуз рингдиина удучIвну.

Думу талитариъ Сяаьдулаев 17 ражари гъалиб ва 4 ражари магълуб гъахьну. Спортсмен гьацира АСВ, FNG, ONE FC турнирариъра иштирак гъахьнийи.

Январин 20-пи йигъан Юсуп Таиланддиъ Масакацу Иманарийихъди (Японияйин машгьур спортсмен) талитназ удучIвну ва дугъ’ин гъалиб гъахьну.

Улихьна йигъари Юсуп Сяаьдулаев Дагъустандиз гъафну ва Мягьячгъала шагьриъ республикайин журналистарихъди пресс-конференция гъубхну.

Республикайиъ сабпи йишв гъадабгъну

1 1 1 1 1 1 1 1 1 1 Рейтинг 4.50 (1 Голос)

9097097097Цци, 25-27-пи январи, Дагъустан Республикайин меркез Мягьячгъала шагьрин Елена Исинбаевайин ччвурнахъ вуйи стадиондиъ РД-йиъ сабпи йишв бадали 2004-пи йисан ва кьяляхъна йисари бабкан гъахьи живанарин арайиъ волейболиан финалин талитар гъахьну.

Душваъ иштирак гъабхьи Табасаран райондин шубубпи нумрайин ДЮСШ-йин командайи 1-пи йишв гъазанмиш гъапIну. Кьюбпи йишв Хунзах райондиан вуйи командайи гъадабгъну, 3-пи йишваз Мягьячгъалайиан вуйи команда лайикь гъабхьну.

Хив райондиъ ГТО кIули гъубшну

1 1 1 1 1 1 1 1 1 1 Рейтинг 5.00 (1 Голос)

sportЯнварин 24-пи йигъан Хив спорткомплексдиъ республикайиъ кIули гъабхурайи ГТО-йин фестивалин дахилнаъди муниципалин дережайин талитар кIули гъушну. Талитариъ уьмуми гьисабариинди 16-17 йисан яшнаъ айи 62 кас иштирак гъахьну.

Му йигъан живанари 30 метрин, 2000 метрин, 3000 метрин манзилнаъ уьмуми вахтназ жаргъбаан, галгам ккадабгъбаан, гимнастикайин скамейкайиин дийигъну, юкь дюзди дебккну улихьна алахъбаан, ярхлаз ергбаан ва спортдин хайлин жара жюрйириан, чпи «зегьметнахьна ва чиб душмандихьан уьрхбахьна гьязур вуйиб» субут апIури, чпин удукьувалар улупну.

Дагъустандин спортсменарин хъуркьувалар

1 1 1 1 1 1 1 1 1 1 Рейтинг 5.00 (1 Голос)

8Республикайин физический культурайин ва спортдин Министерствойиан туву мялуматариинди, Дагъустандин спортсменари гъубшу йисан ихь уьлкейин регионарин арайиъ вуйи, вари Урусатдин, вари халкьарин дережйирин ва спортдин жара талитариъ 1326 медаль гъазанмиш гъапIну.

Дурарикан 407 – гъизилин, 403 – арсран ва 516 – кемшрин медалар ву. Ихь спортсменари му медалар СКФО-йиъ сабпи йишв бадали вуйи спортдин талитариъ, Урусатдин, Европайин, вари дюн’яйин чемпионатариъ ва гьацира Европайин ва вари дюн’яйин Кубок бадали кIули гъуху талитариъ гъадагъну.

Спортдин жюрбежюр жюрйириан гъубшу йисан гъазанмиш гъапIу гъалибваларик ихь инвалид спортсменаринра лайикьлу пай ка. Дурари республикайиз 200 медаль гъахнийи. Республикайин спортсменари асас вуди спортдин аьдати кчIихбариан, юкьяр дисбаан, греко-римский къайдайиинди кчIихбариан, грепплингдиан, дзюдойиан, тхэквондойиан, боксдиан ва спортдин кчIихбарин жюрбежюр къайдйир ктикьу талитариан ужудар хъуркьувалар улупну.

Волейболин талитар

1 1 1 1 1 1 1 1 1 1

1yЯнварин 20-21-пи йигъари Дагъустандин Огни шагьриъ 2004-пи ва дидин кьяляхъ йисари бабкан гъахьи живанарин арайиъ волейболиан Дагъустан Республикайиъ сабпи йишв бадали вуйи чемпионатдин улихьна вуйи талитар кIули гъушну.

Талитариъ Дагъустандин кьибла аьтрафариан волейболин 6 командайи иштираквал гъапIнийи.

Томскдин чемпион табасаран бай

1 1 1 1 1 1 1 1 1 1 Рейтинг 4.50 (1 Голос)

IMG 20171227 WA0041Дагъустан гьар вахтна ужудар аьлимар, шаирар ва спорт-сменар айивалиинди машгьур вуди гъабхьну. Дагъустандиан вуйи, яна чпи дагъустанлуйир вуди жара регионарихъанди спортдин талитариъ иштирак шулайи, спортсменарин кьадарра цIиб дар. Гьацдарин спортсменарин арайиъ гирйир за апIбан спортдин жюрейиан Томский областдин чемпион духьнайи, Хив райондин Ляхла гъулан агьали вуйи Закарья Мирзоевра а.

Дугъу «Табасарандин нурар» газатдиз туву мялуматариинди, му жюрейин спортдиин чав машгъул духьну гьелелиг 6 йистIан даршра, улупурайи натижйир лап ужудар ву.
«Узу Томский областдиъ «Газпромнефть Восток» кIуру компанияйиъ ляхин апIураза.

ЦIийи йисаз – ужуб пешкеш

1 1 1 1 1 1 1 1 1 1 Рейтинг 5.00 (1 Голос)

2pyДагълу юрднаъ яшамиш шулайи баяр-шубарин спортдихьна вуйи маракьлувал гизаф аьхюб вушра, ихь шагьрариъ, гъулариъ спортзалар, спортдин майднар гьуркIри адруваликан ухьуз аьгъдарди дархьуз. Дарсарин кьяляхъ ихь баяр-шубари азад вахт мянфяаьтлуди гьапIбан бадали, ухьу гъи ухьуз айи вари мумкинвалар ишлетмиш апIуз чалишмиш гъахьиш, закурин йигъан ихь жигьилар къанунсуз рякъяриъ ахьидар. Экономикайин аьгьвалат думукьан ужуб дару ихь республикайиъ жюрбежюр секцйириъ, кружкйириъ, искусствойин мектебариъ лихурайи пишекрар гъуллугъариан адаура. Вушра, ккебгърайи цIийи 2018-пи йисаз вуйи багьа пешкешси, декабрин 15-пи йигъан Дагъустандин Огни шагьрин 1-пи нумрайин мектебдин гъвалахъ хъайи йишв` ин баскетбол ва мини-футбол уйнамиш апIуз шлу спортдин майдан абццну.

Сарсана чемпион

1 1 1 1 1 1 1 1 1 1 Рейтинг 5.00 (3 Голосов)

55yУлихьна йигъари Ставрополь крайин Кисловодск шагьриъ спортдин ММА жюрейиан кIули гъушу вари Урусатдин талитариъ 53 кило гъагъишин айи спортсменарин арайиъ Дагъустандин Огни шагьриан вуйи ихь ватанагьли Рамазан Абакаров гъалиб гъахьну.

Гьамусяаьт думу Рамазан Рашидовдин тренерваликкди «Боец» кIуру спортклубдиъ спортдиин машгъул духьна.

Къайд дапIну ккундуки, гъийин йигъаз Рамазан Абакаров спортдин ММА жюрейиан Урусатдиъ кIули гъушу жюрбежюр жара талитарин гъалибчира ву. Гъит дугъаз хъанара аьхю хъуркьувалар ишри.

Табасарандин живан даягъ

1 1 1 1 1 1 1 1 1 1 Рейтинг 5.00 (1 Голос)
I/Яв баяр, Табасаран/

Урусатдин жюрбежюр пIипIариъ яшамиш шулайи табасаран жигьиларин хъуркьуваларикан ихь халкьдиз мялум апIбан бадали, учу вари мумкинвалар ишлетмиш апIурача. Гьаци, бицIи Ватан – Табасарандин дамагъ ва даягъ вуйи ихь гъуларин бажаранлу кьягьяларикан газатдин машариъ сикин дарди мялуматар туврача. 

Гьякьикьатдин далилари субут апIурайиганси, табасаран миллетдин вакилари гъи илимдин ва спортдин рякъюъ берекетлу гамар алдагъура. Деврин технологйирин артмиш’валин натижайиъ гьяракатнаъ айи жюрбежюр социалин сетарира, жиниб дар, наан ашра багъри юрдарихъди аьлакьйир уьрхюз мумкинвал тувра.

Страница 4 из 13

f1 in1 ok1 t1 v1 y1

Top