ГлавнаяСпорт

Дагъустан Европайин чемпионатдиз гьязур шула

1 1 1 1 1 1 1 1 1 1 Рейтинг 5.00 (1 Голос)

ЧЕАпрелин 27-пи йигълан 6-пи майдиз Дагъустандин Каспийск шагьриъ ерлешмиш дубхьнайи Аьли Аьлиевдин ччвурнахъ хъайи спортдин дараматдиъ юкьяр дисбан спортдиан ва дидин жюрбежюр жюрйириан Европайин чемпионат кIули гъябгъиди. Думу чемпионатдихьна гьязур шули, республикайиъ тешкил дапIнайи штабдиъ саки гьар йигъан серенжемар гъахура.

Магьа улихьна йигъарира душваъ волонтерарин ляхин ккабалгру касарихъди совещание гъабхьну.

КIваин апIуз ккундучуз, Европайин чемпионат гъабхбан тешкиллувалин комитетдиз 300 волонтери кюмек апIиди. Дурар вари конкурсдин къайдайиинди гъядягъдар ву, ва гьаруриз чан вазифйир улупна. Волонтерарин асас вазифйирик гьамрар кахьра: хялар кьабул апIувал, делегацияйин дестйир гьисабназ гъадагъувал, ЧЕ-йин иштиракчйир ипIрубдихъди тямин апIувал, чIал таржума апIувал, талит гъябгъюрайи дарамат ва дидин багахь хьайи аьтрафар гюзчиваликк уьрхювал, хатIасузвал уьбхбан цирклиъ кюмек апIувал, талитар гъахру залар, палтар алахьру-илдитрушвар гьязур апIбаъ, гьацира транспортдин логистикайихъди, IT-игьтияжарихъди аьлакьалу кюмек тувувал ва гь.ж.

Табасаран спортсменарин заан хъуркьувалар

1 1 1 1 1 1 1 1 1 1 Рейтинг 5.00 (1 Голос)

88 2Улихьнаси Дербент шагьриъ «Хядарин гъварч» кIуру шадлугънан серенжемар гъахру залиъ ММА жюрейин спортдиан SFC-дин турнир кIули гъубшну.

Турнириъ 18 йистIан артухъ яшар духьнайи ва 52 кг, 57 кг, 61 кг, 66 кг, 71 кг, 77 кг, 93 кг ва 100 кг гъа-гъишнан жюрйириъ Москва, Нальчик, Ставрополь шагьрариан, Чечен ва Дагъустан Республикйириан вуйи спортсменар иштирак гъахьнийи. Къайд дапIну ккундуки, дурарин дахилнаъ Табасаран райондиан вуйи спортсменарра айи.

Гъалибчйирин арайиъра ихь ватанагьлийир а.

Сабпи йишварин сагьибар: 1. Ренат Мирзаханов (55кг) – ЧвулатI гъул; 2. Багьаутдин Ражабов (66 кг) – ГьепIил гъул; 3. Эльдар ТIагьиров (93 кг) – Рубас гъул.
Кьюбпи йишварин сагьибар: 1. Эльвин Кьадыров (52 кг) – Мягьрягъ гъул; 2. Бягьямед Мирзаханов (71 кг) – ЧвулатI гъул.

Нубатнан талитариз ккилигураза

1 1 1 1 1 1 1 1 1 1 Рейтинг 5.00 (2 Голосов)

888Табасаран миллетдин вакил, хиларихъди кчIихбаан, самбойиан ва ушу-саньдайиан гизаф ражари чемпион, вари дюн’яйиъ машгьурвал гъазанмиш дапIнайи спортсмен Багьаудин Абасовдиз улихьна йигъари Китайдин варитIан адлу Kunlun Fight турнирарин тешкилатчйири вари дюн’яйин турнириъ иштирак хьуз теклиф гъапIнийи.

Думу турнириъ Багьаудин Абасов Китайдин машгьур спортсмен Хаситир Сяуйихъди рингдиина кчIихуз удучIвну, ва саб дакьикьайинна 20 секундайин арайиъ думу бай нокаутдиз гьаъну, гъалиб гъахьну. Дупну ккундуки, Китайдин спортсменра лап кIубнир, чан спортдин тажрубайиъ 16 ражари дюн’яйин машгьур спортсменарихъди рингдиз удучIвур ва думу кчIихбариъ 13 ражари гъалиб гъахьир вуйи. 

«Талитарихьна узу бегьемди гьязур духьнайза. КчIихбарра маракьлудар гъахьну. Му талитра кчIихбариъ гъазанмиш гъапIу ад (рейтинг) за апIруб вуйи. Китайдиъ рингдиз удучIвури ва ерли спортсменариин гъалиб шули, шубубпи раж вуйиз. Ва чемпиондин чIул гъадабгъбан бадали, саб-кьюбсана талитнаъ гъалибвал гъадабгъну ккунду. Думу талитариз гьязур шулаза», – гъапну Багьаудин Абасовди.

Гъагъи атлетикайиан талитар

1 1 1 1 1 1 1 1 1 1 Рейтинг 5.00 (2 Голосов)

rustam 8 Гьаму йигъари Дербент шагьриъ спортдин гъагъи атлетикайин штанга за апIбан жюрейиан Дагъустандин чемпионат ва WRPF-дин мастерарин турнир кIули гъубшну. Талитарин тешкилатчйир СКФО-йин гъагъи атлетикайин федерация вуйи. Дидин кIулиъ айи ихь ватанагьли, гъагъи атлетикайиан машгьур спортсмен Рустам Бегеринди ич сюгьбатнаъ къайд гъапIганси, турнириъ 100-тIан артухъ спортсменар иштирак гъахьну.

Турнирин пешкешнан фонд 10 агъзур доллар вуйи. Чпин гъагънан категорйириъ заан йишвар гъадагъу спортсменариз, пулин пешкешарилан гъайри, Дагъустандин образованиейинна культурайин академияйиъ пулсузди урхуз сертификатарра тувну. Чемпионатдиъ иштирак хьуз Архангельск, Мурманск, Минеральные Воды, Москва ва Кафари Кавказдин хайлин шагьрариан спортсменар ва хялар дуфнайи. Талитариъ варитIан ад айи, заан гъагъишин айи спортсменарин арайиъ 1-пи ва 2-пи йишвар Чечен Республикайин вуйи спортсменари, хъа шубубпи йишв – Хасавюрт шагьрин агьалийи гъазанмиш гъапIну.

Волейболиан турнир ккебгъну

1 1 1 1 1 1 1 1 1 1 Рейтинг 5.00 (1 Голос)

8gg. CopyУлихьна йигъари Табасаран райондин Хючна гъулаъ айи Кьалухъ Мирзайин ччвурнахъ хъайи спортдин комплексдиъ волейболиан 2018-пи йисандин «Табасарандин лига» турнир ачмиш апIбахъди ва диди чан ляхин ккебгъбахъди аьлакьалу серенжем гъабхьну.

Турнир ачмиш апIбан серенжемдиъ райондин глава Алавудин Мирзабалаев, РД-йин Халкьдин Собраниейин депутат Мягьямед Къурбанов, райондин администрацияйин главайин заместитель Аьбдулвагьаб Аьбдулов ва жара касар иштирак гъахьну. Турнир ачмиш апIури, райондин главайи гъапиганси, Табасаран райондиъ волейболихьна вуйи янашмиш’вал хусуси жюрейинуб ву. «Думу командайин спортдин жюре ихь жигьилариз варитIан багахьлуб ва маракьлуб ву. Волейбол уйнамиш апIбиин гизаф жигьилар машгъул ву. Спортди ухьу вари сар-сарихьна багахь апIура. Хъа райондин кIулиъ айидари райондиъ гьам волейбол, гьамсана спортдин миди вуйи жюрйир артмиш апIуз айи мумкинвалар вари ишлетмиш апIиди», – гъапнийи Алавудин Мирзабалаевди.

Спортди инсанар сатIи апIуру

1 1 1 1 1 1 1 1 1 1 Рейтинг 5.00 (1 Голос)

image CopyУрусатдин Президент Владимир Путиндин теклифниинди 2018-пи йис рягьимлувалин Йисси гьисаб апIура. Йиз фикриан, ццийин йисан уж` вал апIбахъди аьлакьалу серенжемарин кьадар артухъ хьибди.

Мартдин 10-пи йигъан Дагъустандин Огни шагьрин 4-пи нумрайин спортдин мектебдиъ Кьибла Дагъустандин 2004-2007-пи йисари бабкан гъахьи баярин арайиъ юкьяр дисбаан турнир кIули гъубшну. Му серенжемдиъ Дагъустандин Огни, Дербент шагьрариан, Табасаран, СтIал-Сулейман, Мягьярамкент, Дахадаев районариан спортсменар иштирак гъахьну.

Ватан уьбхрурин Йигъаз бахш вуди

1 1 1 1 1 1 1 1 1 1

88 CopyУлихьна йигъари Табасаран райондин центр Хючна гъулаъ Кьалухъ Мирзайин ччвурнахъ хъайи спорткомплексдиъ мектебариъ урхурайидарин арайиъ юкьяр дисбаан райондиъ сабпи йишв бадали вуйи талитар гъахьну. Дурар Ватан уьбхрурин Йигъаз бахш дапIнайи. Гъагъишнан 15 жюрейиан кIули гъушу талитариъ Хючна, Гурихъ, ТIаттил, Ярса, Дарвагъ, ТIивак, ХустIил, Гурхун, Мягьрягъ гъуларин мектебариъ урхурайи 160 живан иштирак гъахьну.

Талитарин эвелиъ иштиракчйирин улихь 4-пи нумрайин ДЮСШ-йин директор Мягьямед Исмяилов удучIвну гъулхнийи. Дугъу 23-пи февралиъ ихь уьлкейиъ къайд апIурайи машквракан, дидин тарихдикан, гъийин жигьиларин улихь дийигънайи асас месэлйирикан, спортдин метлеблуваликан гъапнийи ва талитарин иштиракчйир райондин глава Алавудин Мирзабалаевдин ва чан терефнаан тебрик гъапIнийи. Душваъ гьацира талитарин кIулин судья Закир Гюлов удучIвну гъулхнийи. Къайд дапIну ккундуки, талитар маракьлуди, гьевеслуди ва гъизгъинди кIули гъушнийи.

Гъалибвалин рякъ

1 1 1 1 1 1 1 1 1 1 Рейтинг 4.50 (1 Голос)

8py 1

/Яв баяр, Табасаран/

Спортдин рякъюъ жюрбежюр аднан талитариъ заан хъуркьувалар улупури, ихь уьлке вари дюн’яйиз машгьур апIувалик лайикьлу пай киву ва киврайи спортсменарин арайиъ хайлин табасаран баярра а. Дурарикан вуди Камал Ханмягьямедов, гъардшар Назим ва Багьаудин Абасовар, Мартин Сефербегов, Экпер Гьяжиэкперов, Мягьямед Халибегов ва хайлин жарадар улупуз шулу.

Гъийин йиз макьалайиъ узуз учву ихь машгьур спортсмен Мартин Сефербеговдин уьмрихъди, дугъу спортдиъ гъазанмиш гъапIу хъуркьуваларихъди таниш апIуз ккундузуз.

Чав ккагъуз гъитундар

1 1 1 1 1 1 1 1 1 1 Рейтинг 5.00 (1 Голос)

sportЮсуп Сяаьдулаев спортдин ММА жюрейин кчIихбариан Урусатдин машгьур спортсменарикан сар ву. Чан пишекарвалин рякъ дугъу 2008-пи йисан ккебгънийи. Гъийин йигъаз Юсуп 23 ражари дюн’яйин машгьур спортсменарихъди кчIихуз рингдиина удучIвну.

Думу талитариъ Сяаьдулаев 17 ражари гъалиб ва 4 ражари магълуб гъахьну. Спортсмен гьацира АСВ, FNG, ONE FC турнирариъра иштирак гъахьнийи.

Январин 20-пи йигъан Юсуп Таиланддиъ Масакацу Иманарийихъди (Японияйин машгьур спортсмен) талитназ удучIвну ва дугъ’ин гъалиб гъахьну.

Улихьна йигъари Юсуп Сяаьдулаев Дагъустандиз гъафну ва Мягьячгъала шагьриъ республикайин журналистарихъди пресс-конференция гъубхну.

Республикайиъ сабпи йишв гъадабгъну

1 1 1 1 1 1 1 1 1 1 Рейтинг 4.50 (1 Голос)

9097097097Цци, 25-27-пи январи, Дагъустан Республикайин меркез Мягьячгъала шагьрин Елена Исинбаевайин ччвурнахъ вуйи стадиондиъ РД-йиъ сабпи йишв бадали 2004-пи йисан ва кьяляхъна йисари бабкан гъахьи живанарин арайиъ волейболиан финалин талитар гъахьну.

Душваъ иштирак гъабхьи Табасаран райондин шубубпи нумрайин ДЮСШ-йин командайи 1-пи йишв гъазанмиш гъапIну. Кьюбпи йишв Хунзах райондиан вуйи командайи гъадабгъну, 3-пи йишваз Мягьячгъалайиан вуйи команда лайикь гъабхьну.

Страница 5 из 15

f1 in1 ok1 t1 v1 y1

Top