ГлавнаяСпорт

Акбар Гьяжиэкберов чемпион гъахьну

1 1 1 1 1 1 1 1 1 1 Рейтинг 4.83 (3 Голосов)

IMGНоябрин 22-пи йигъан Бишкек шагьриъ спортдин юкьяр дисбан жюрейиан WEF GLOBAL тешкилатдин турнир кIули гъубшну.

Думу турнириъ WEF GLOBAL тешкилатдин ужударсдар спортсменари чемпионвалин 3 чIул уьрхбаан талитар гъахьну. Думу талитариъ иштирак гъахьи спортсменарин арайиъ 70 кило гъагъ айи спортсменарин арайиъ ихь ватанагьли Акбар Гьяжиэкберовра айи. Думу Паатой Робакидзейихъди кчIихуз майдандиина удучIвну ва дугъ’ин гъалибвал гъадабгъну. 

Самбо – даимлугъ гьюрмат

1 1 1 1 1 1 1 1 1 1 Рейтинг 5.00 (1 Голос)

samboУлихьна йигъари Каспийск шагьриъ Аьли Аьлиевдин ччвурнахъ хъайи спортдин дараматдиъ Урусатдин Игит Аьдилгерей МягьямедтIагьировдин гьюрматназ спортдин кчIихбарин самбо жюрейиан Вариурусатдин турнир кIули гъубшну.

Талитариъ гъагънан 9 жюрейиан 150 спортсмен иштирак гъахьнийи.

Сабпи натижйир ужудар ву

1 1 1 1 1 1 1 1 1 1 Рейтинг 5.00 (1 Голос)

4 8yМурад Нурудинович Аьзизов (шиклиъ) Табасаран райондин 4-пи нумрайин ДЮСШ-йиъ спортдин юкьяр дисбан жюрейиан тренерди лихура. Му гъуллугъназ думу ццийин март вазли гъафну. Дупну ккундуки, цIийи тренери учв сифте йигъарилан мина чан ляхнихъ юкIв хъайи, халис пишекарси улупну. Дици вуйивал ляхнин натижйирира тасдикь апIура. Ццийин йисан, месела, дугъахьна тренировкйириз гъюрайи спортсменар шубуб ражари райондиъ сабпи йишв бадали вуйи талитариъ иштирак гъахьну ва командайин сабпи йишвар гъадагъну. Хъа июндин вазли дугъан тербиячйири РД-йин Кьибла зонайиъ сабпи йишв бадали вуйи талитариъ чпин гъагъишнан категорйириъ сабпи ва кьюбпи йишвар гъидисну. 

Гьелбетда, баяр-шубариз ужудар аьгъювалар тувбан бадали, сифте чаз мялимдиз ужудар аьгъювалар ва тажруба ади ккунду. Йиз фикриан, Мурад Аьзизовдиз тялукь аьгъювалар ва тажруба а. Дугъан гъийин йигъаз вуйи уьмурра спортдихъди аьлакьалу ву.

«Дагъустан» командайин нубатнан хъуркьувал

1 1 1 1 1 1 1 1 1 1 Рейтинг 5.00 (1 Голос)

2017 11 08 152746Урусатдин заан А-лигайин волейболин чемпионатдин 7-пи турин талитариъ «Дагъустан» волейболин клуб Пермдин «Прикамье» командайиин гъалиб гъабхьну. 

Командйирин арайиъ вуйи талитар улихьна йигъари Каспийск шагьриъ Аьли Аьлиевдин ччвурнахъ хъайи спортдин Дараматдиъ кIули гъушнийи.
Дагъустандин волейболистари сабпи партия 3:0 (25:19, 25:20, 25:13) гьисаб ади ккудубкIну. Кьюбпи гюрюшдиъ «Прикамье» волейболин команда тай-брейкдиъ магълуб гъабхьну ва командйирин арайиъ вуйи талитар – 3:2 (26:28, 23:25, 25:18, 25:23, 15:11) гьисаб ади аьхирихъна гъафну.

Дуствалин турнир

1 1 1 1 1 1 1 1 1 1 Рейтинг 5.00 (1 Голос)

2017 05 05 1 1 12-пи ноябри Хив спорткомплексдиъ Дербент ва Хив районарин уьлериз рябкъбаан кьитвал гьисс апIурайи ва бюркью ватандашарин арайиъ урус шашкйиринна шахматарин дуствалин талитар кIули гъушну.

Талитар халкьдин сабвалин Йигъаз тялукь вуди «Хивский район» МО-йин администрацияйин ва Хив ВОС-дин вакиларин жягьтлувалиинди тешкил гъапIну.

Дуствалин талитариъ улупнайи кьюбиб районариан вуйи 20-рихьна бюркью ва улерин кьитвал гьисс апIурайи касар иштирак гъахьну.

 

ГъуштIларин жигьилин хъуркьувалар

1 1 1 1 1 1 1 1 1 1 Рейтинг 5.00 (3 Голосов)

                                                                                                       /Яв баяр, Табасаран!/

20171103 102027Табасаран миллетдин ад вари уьлкейиз яркьу апIури, багъри Ватандин дамагъ ва даягъ вуйи ихь гъуларин «гъизилин» жигьиларикан учу газатдин машариъ сикин дарди мялуматар туврача. Дугъриданна, ухьуз илимдин ва спортдин рякъюъ хъуркьувалар гъазанмиш дапIнайи, саб жерге жавабдар гъуллугъариъ баркаллувалиинди зегьмет зигурайи вакилар хайлин ахьуз. Халкьдин бажаранлу ва намуслу вакиларин жергйир яркьу апIбак гъийин насларира лайикьлу пай кивра.

Нубатнан макьалайиъ ихь ватанагьлийир чан хъуркьувалариинди Хив райондин ГъуштIил гъул’ан вуйи Рахман Шягьсиновди рази апIура.

Боксдиан чемпион гъахьну

1 1 1 1 1 1 1 1 1 1 Рейтинг 4.50 (1 Голос)

спорт1 CopyОктябрин 19-20-пи йигъари Астархан шагьриъ 9 йислан 17-йис’ина яшар духьнайи живанарин арайиъ боксдиан вари Урусатдин турнир кIули гъубшну. Думу турнириъ Табасаран райондин ЧвулатI гъул’ан вуйи Мягьямедрасул Мирзахановдира иштираквал гъапIну ва 38 килограмм гъагъ айи спортсменарин арайиъ 1-пи йишв гъибисну. 

Республикайиъ – кьюбпи йишв

1 1 1 1 1 1 1 1 1 1 Рейтинг 5.00 (1 Голос)

волейболyОктябрин 20-23-пи йигъари Мягьячгъала шагьриъ «Труд» стадиондин бинайиинди Дагъустан Республикайиъ сабпи йишв бадали волейболиан республикайин ДЮСШ-йирин сатIи вуйи командйирин арайиъ финалин талитар гъахьну. Волейболин командйирин иштиракчйир 2002-2003-пи йисари бабкан гъахьи живанар вуйи. Талитариъ республикайин ДЮСШ-йирин гужлисдар 15 команда ва, уьмуми гьисабниинди, 180 спортсмен иштирак гъахьну.

Хив райондиъ спорт артмиш апIура

1 1 1 1 1 1 1 1 1 1 Рейтинг 4.50 (3 Голосов)

спортЖигьилариз эрг’вал йивбан, дурариз физкультурайиинна спортдиин машгъул хьпаз лазим шартIар яратмиш апIбан рякъ’ан Хив райондиъ саб жерге серенжемар гъахура. Гьамусяаьтна райондин жигьиларин ихтиярнаъ спорткомплекс, спортдин 9 зал, 36 гъулаъ спортдин майднар ва 11 воркаут майднар а. Дурарилан савайи, улупнайи вахтназ Асккан Яракк, Асккан АрхъитI, Гъвандик ва Лика гъулариъ тялукь майднар тикмиш апIбан ляхнар кIули гъахура.

Райондиъ сабпи йишв гъадабгъну

1 1 1 1 1 1 1 1 1 1 Рейтинг 5.00 (1 Голос)

гурихъ командаОктябрин 14-15-пи йигъари Табасаран райондин центр Хючна гъулаъ Кьалухъ Мирзайин ччвурнахъ хъайи спортдин комплексдиъ райондин мектебариъ урхурайидарин арайиъ юкьяр дисбаан райондиъ сабпи йишв бадали талитар гъахьну. Дурариъ Хючна, Гурихъ, Акъа, ЦIуртIил, ГьепIил, ТIаттил, Асккан Ягъдигъ, ХустIил, Ярса, Дарвагъ гъуларин мектебариан 150-тIан артухъ урхурайидар иштирак гъахьну. Талитар гъагъишнан 14 жюрейин категорйириъ кIули гъушну.

Страница 7 из 15

f1 in1 ok1 t1 v1 y1

Top