ГлавнаяВыборы 2018

ЦIийи Президент – цIийи умудар

1111110
Урусатдин Президент ктагъбан сечкйирин натижйир

Урусатдин Федерацияйиъ уьлкейин Президент ктагъбан сечкйир 2018-пи йисан мартдин 18-пи йигъан кIули гъушнийи. Сечкйирин натижйириз асас вуди, сечкичйири чпин 76,69% сесер тувну, Урусатдин Президентди Владимир Путин ктагъну. Кьюбпи йишваз сечкичйирин 11,77% сесер гъадагъу КПРФ-дин терефнаан кандидат Павел Грудинин, хъа шубубпи йишваз сечкичйирин 5,65% сесер гъадагъу ЛДПР партияйин кIулиъ айи Владимир Жириновский удучIвну.

Къайд апIувал лазим вуки, му сечкйириъ сечкичйирин иштираквал лап ужуб вуйи. Гьамци, кьюб сяаьтнан арайиъ Урусатдин 16% агьалйири, хъа лисхъан сяаьт шубубдиз ихь уьлкейин аьхюну пай сечкичйири чпин сесер тувнийи. Сечкйириъ Урусатдин 67,46%, ясана 73,36 миллион агьалйир иштирак гъахьну. 

Дагъустан Республикайиъ Урусатдин Президент ктагъбан сечкйириъ вари сечкич-йирин уьмуми кьадарнакан 87,5% иштирак гъахьну. Дидин гьякьнаан журналистарихъди вуйи гюрюшдиъ республикайин сечкйирин комиссияйин председатель Мягьямед Дибировди мялум гъапIну. Дагъустандиъ РФ-йин Президент ктагъбан сечкйириъ иштирак гъахьи 90,73% сечкичйири чпин сесер Владимир Путиндихъанди тувну, кьюбпи йишваз, 7,28% сесер гъадагъну, Павел Грудинин удучIвну. Дагъустандиъ 1 677 000 касдиз сес тувбан ихтияр а.

Гъит, ихь кIул’ин гьарган аку ригъ ибшри

1212Урусатдин Президент ктагъбан сечкйирин натижйир

Табасаран райондиъ РФ-йин Президент ктагъбан сечкйир саки вари гъулариъ заан активвалиинди кIули гъушну. Сечкйириъ вари яшарин сечкичйири активвал улупну. РФ-йин Президент ктагъбан сечкйириъ гьамусяаьт ихь республикайиъ варитIан яшлу, Табасаран райондин Урзигъ гъулан агьали Муслимат Аьбдуллаевара иштирак гъахьну.

Думу 1900-пи йисан бабкан гъахьну. Цци 1-пи июлиъ дугъан 118 йис тамам шула.

Гьаци, Муслимат Аьбдуллаева чан уьмрин кьюбпи аьсриъ учIвна. Урусатдин паччагьлугъдин вахтна бабкан гъахьи думу къабпи аьсрин ва къанна садпи аьсрин гъийизкьан вуйи вари гьядисйирин шагьид ву. Ав, Муслимат Аьбдуллаевайин яш аьхюб ву, хъа сагъламвал, гьяйифки, зяиф дубхьна. Гьаддиз чаз ккуни кандидатдихъанди сес тувуз дугъаз чан хулаъ шартIар яратмиш гъапIнийи.

Думу йигъан яшлу сечкичийихьна райондин глава Алавудин Мирзабалаев, РД-йин Халкьдин Собраниейин депутат Мягьямед Къурбанов, вахтназ вуди РД-йин Главайин вазифйир тамам апIурайи В. Васильевдин вакилар Азади Рягьимов ва Зейдуллагь Уьсманов, «Къужник гъулан совет» МО СП-йин администрацияйин глава Шябан Ибрагьимов ва сечкйирин 1370-пи участокдин комиссияйин председатель Нурмягьямед Нуров гъафнийи.

Наан ва фици сесер тувну

11Урусатдин Президент ктагъбан сечкйирин натижйир

Табасаран райондиъ, аьтрафдин сечкйирин комиссияйин улупбариз асас вуди, 18-пи мартдиъ сечкйирин участокариз чпин сесер тувуз 28 961 сечкичи гъафну. Думу райондиъ айи вари сечкичйирикан 83,26% гьисаб шула. Райондин ТИК-ди мялум гъапIиганси, му йигъан сес тувбан къайд-йир чIур апIувалин аьрзйир гъахьундар. Райондин сечкич-йири сесер тувбан натижйир гьамцдар гъахьну: Владимир Путиндихъан 90,74%, Павел Грудининдихъан – 6%, Владимир Жириновский-дихъан – 1,42%, Григорий Явлинскийдихъан – 0,51%, Ксения Собчакдихъан – 0,08%, Максим Сурайкиндихъан – 0,05%, Борис Титовдихъан – 0,05%, Сергей Бабуриндихъан – 0,01% сечкичйири сесер тувну.

Хив райондин ТИК-дин председатель Исрафил Сялигьовди субут гъапIганси, райондиъ гьисабназ гъадагънайи 13 266 сечкичийикан 11 103 касди сечкйириъ сесер тувну. Му улупбариз асас вуди, сечкйириъ 87,16% райондин ватандашар иштирак гъахьну.

Хив райондин асас пай агьалйири чпи муганайизра гьюкуматдин кIулиъ айи Владимир Путиндин тереф уьбхюрайивал субут гъапIну – 90,87%, хъа 8,11% сечкичйири Павел Грудининдин, 0,14%-ди Максим Сурайкиндин, 0,12%-ди Владимир Жири-новскийдин, 0,11%-ди Ксения Собчакдин, 0,05%-ди Сергей Бабуриндин ва 0,01%-ди Григорий Явлинскийдин тереф уьбхюрайивал улупну. Гьюкуматдин кIулиъ Борис Титов рякъюз ккунидар Хив райондиъ гъахьундар. 

Экспертарин фикрар

1Урусатдин Президент ктагъбан сечкйирин натижйир 

Сесер тувбан натижйири Дагъустандин халкьди уьлкейин кIулиъ айири региондиъ коррупцияйихъди женг гъабхбиина жалб дапIнайи политикайин тереф уьбхюрайиваликан субут апIура. Вариурусатдин халкьдин фронтдин РД-йиъ айи регион-дин штабдин сопредседатель, РФ-йин Госдумайин депутат Умахан Умахановди къайд гъапIганси, Урусатдин Президент ктагъбан сечк-йир уьлкейиз ва чан ватандашариз, гьадму гьисабнаан Дагъустандизра, аьхю мяна айидар ву.

Дагъустан Республикайин Халкьдин Собраниейин «Саб вуйи Урусат» партияйин фракцияйин депутат Нариман Асваровдин гафариинди, ригъ алабхъру терефнан уьлкйирин Урусатдиз аькси политикайи вари ватандашар дюн’яйиз машгьур вуйи чпин президентдин багахь сатIи гъапIну. Дугъу къайд гъапIганси, Урусатдин тарихдиъ, гьам уьлкейин айитI, гьамсан вари дюн’яйин жигьатнаан, аьхю мяна айи аку ва важиблу гьядисйир гизаф гъахьну. 2018-пи йисандин сечкйири, уьлкейин аьхюну пай агьалйирин кIван метлеб фу вуш, улупну.

Хив район сечкйирин гъаншариъ

407651 size2Президент ктагъбан сечкйириз имбудар саб-кьюдар йигъартIан дар. Шаксуз, му серенжем вари Урусатдин агьалйириз важиблу ву. Президент ктагъбан сечкйириз гьязурлугарра вахтназ улихьна духна.

Хив райондин администрацияйин ляхнариз лигру Арсен Рамазановди къайд апIурайиси, сечкйир гъахру йигъан сечкйирин ачухъвализ, йишвариин сечкичйир артухъди жалб апIбаз лазим эгьемият тувну ккунду.

- Гьарсар ватандашди чан улихь дивнайи месэлйир вахтниинди ва ерийиинди тамам апIбалан сечкйир ужуб дережайиъди гъахбан месэлйирра асиллу шула. 18-пи мартди гьарсар касди чан ватандаш’валин буржи тамам апIуб лазим ву.

Конкурсдиъ иштирак йихьай

44РФ-йин Президентдин Администрацияйи, 2018-пи йисан мартдин 18-пи йигъан ихь ватанагьлийир сечкйириз гъювал за апIбан бадали, регионарин главйирин администрацйириз швнуб-саб теклиф гьязур гъапIну. Думу проектарикан сабди иштиракчйириз, сечкйирин участокдиъ чиб-чпин шикил (селфи) дивну, думу соцсетариъ ибтувалин теклиф дивра. Шикларин конкурсдиъ иштирак гъахидариз пешкешар тувди.

«Сечкйириан шикил» конкурсдин презентацияйиъ дупнайиганси, дидин метлеб – 18 йислан 39 йис’ина яшар вуйи жигьилар сечкйириз жалб апIувал, гьацира сечкйирин участокариъ, сечкйир гъахурайи йишвариъ шадлугънан аьгьвалат арайиз хувал ву.

Мартдин 18-пи йигъан Дагъустандиъ «Проджи шикил» шикларин конкурс ккебгъди. Дидин гьякьнаан респуб-ликайин мялуматарин ва чап апIбарин Министерствойиан хабар тувра.

Табасаран район сечкйирихьна гьязур ву

222 lyУлихьна йигъари Табасаран райондиъ айи ич хусуси мухбир Аьбдулмажид Рашидов «Табасаран район» МР-ин аьтрафарин сечкйирин комиссияйин председатель Исамудин Исаевдихъди гюрюшмиш гъахьну ва дугъхьан интервью гъадабгъну. Думу исихъ чап апIурача.

– Исамудин Аьбдуризакьович, Табасаран райондин аьтрафарин сечкйирин комиссия ццийин йисан мартдин 18-пи йигъан духну ккуни РФ-йин Президент ктагъбан сечкйирихьна фици гьязур шула? Райондиъ сечкйирин фукьан участокар а? Ватандашар сечкйирин вахтари сесер тувуз гъягъюри вердиш духьнайи участокарин сяргьятариъ дигиш’валар айинхъа?

Сечкйирихьна гьязурвал ахтармиш апIури

22Мялум вуйиганси, мартдин 18-пи йигъан Урусатдиъ вари гьюкуматдиз важиблу сечкйир кIули гъягъиди. Президент ктагъбан сечкйирихьна гьязурлугъарра йишвариин сикин дарди гъахура.

Гьаци, улупнайи месэлайиан Хив райондин гьякьикьат гьял апIури, улихьна йигъари райондин администрацияйиъ РД-йин Совбездин секретарин сарпи заместитель Сефербег Гьямидовдин иштирак’валиинди сечкйирихьна гьязурлугъар гъахбан жавабдар комиссияйин совещание кIули гъубшну.

– Мартдин 18-пи йигъан улупнайи месэлйир гьял апIури, сечкйирин ачухъвализ, му йигъан сечкичйир артухъди жалб апIбаз дикъатлу фикир тувну ккунду. Гьарсар касди чан улихь дивнайи месэлйир вахтниинди ва ерийиинди тамам апIбалан сечкйир заан дережайиъди гъахбан месэлйирра асиллу шула. Му йигъан гьарсар касди чан ватандаш’валин буржи тамам апIрувалиин инанмиш вуза, – гъапну серенжемдин эвелиъ райондин глава Бейдуллагь Мирзоевди.

Учу гьякьлу сечкйирин терефкрар вуча!

IMG 20180209 WA0017Февралин 9-пи йигъан Хив райондиъ «Учу гьякьлу сечкйирин терефкрар вуча» лишниккди акция кIули гъубшну. Серенжем райондин культурайинна жигьиларин месэлйириз лигру, спортдинна туризмйин отделин вакиларин жягьтлувалиинди Хив РССМ-дин вакилари тешкил гъапIну.

Сечкичйирихьна илтIикIури, акцияйин иштиракчйири дурарикан 18-пи мартди Урусатдин Президент ктагъбан сечкйириъ ватандаш’валин тереф уьбхюб, гьадму гьисабнаан сес тувбалан савайи гюзчивал гъабхбаъ иштирак’вал улупуб тIалаб гъапIну.

Хив РССМ-дин кIулиъ айи Расим Акимовди субут гъапIганси, сечкйирихьна гьязур шули ихь варидарин метлеб, арайиз гъюрайи жюрбежюр читинвалариан намуслуди удучIвну, урусатлуйирин сабвал уьбхбан метлебниинди лайикь Президент ктагъбаъ иштирак хьуб ву.

 

Тешкиллувалиинди гьязур шула

22Февралин 6-пи йигъан «Дагъустан» РИА-йин пресс-конференцйир гъахру залиъ республикайин сечкйирин комиссияйин председатель Мягьямед Дибиров СМИ-йин вакиларихъди гюрюшмиш гъахьну. Дугъу ихь региондиъ мартдин 18-пи йигъаз фицдар гьязурлугъ'валар гъахураш, мялуматар тувнийи.

«Дагъустандиъ Урусатдин Президент ктагъбан сечкйир гъахбан бадали, тешкиллувалин зурба ляхин гъабхура. Сечкйирин комиссйири гьюкмин органарихъди сабси сечкйирин кампания хатIасузди гъабхбан серенжемар уьмриз кечирмиш апIура», – гъапну региондин Избиркомдин кIулиъ айири.

Страница 1 из 2

Top