ГлавнаяЮбилеиДагъустандин радиойин 90 йис

Дагъустандин радиойин 90 йис

1 1 1 1 1 1 1 1 1 1 Рейтинг 5.00 (1 Голос)

алиханова0Мялум вуйиганси, Дагъустандин радиойиан сабпи ражари вуди 1927-пи йисан 7-пи ноябриъ улхуз хъюгъну. Гьаддихъан мина гьар йисан 7-пи ноябрь Дагъустан Республикайин радиойин Йигъси къайд апIура.

Улихьна йигъари Мягьячгъалайиъ айи Расул Гьямзатовдин ччвурнахъ хъайи РД-йин Милли библиотекайиъ Дагъустандин радиойин 90 йисаз бахш дапIнайи аьхю серенжем кIули гъубшну. Серенжемдиз гьамусяаьтна радиойиъ лихурайи, цIиб улихьнаси лихури гъахьи ва радиойин ветеранар вари уч гъахьнийи.

Уч духьнайидарин улихь тебрикнан гаф хьади «Дагъустан» ГТРК-йин директор Луиза Аьлиханова удучIвну гъулхнийи.

Дугъан гафариинди, Дагъустандин радио чан эвелиан мина дагъустандин культура ва тарих яратмиш апIру йишв вуди гъабхьну. Фицики радио – республикайин яратмиш апIбан ужуб кьувват (композиторар, журналистар, шаирар, кьавлар ва гь.ж.) уч дапIнайи центр вуйи. Душв’ан удучIву касарин ччвурариинди гъи вари ихь уьлкейи дамагъ апIура.  

«Дагълу уьлкейин халкьдин арайиъ гьарсаб вахтна культурайин, искусствойин ва илимдин ужудар чешнйир рагъури гъабхьиб радио ву. Гьамусяаьт учу фонотекайиъ 46 агъзуртIан артухъ дидикIнайи записар мугъаятди уьрхюрача. Къайд апIуз ккундузузки, гъи Дагъустандин радио цифровой жюрейиинди либхура ва душваъ республикайин конституцияйиъ айи 14 чIалниинди улхура», - къайд гъапIнийи Луиза Аьлихановайи.   

Серенжемдиъ удучIвну гъулхдари дидин иштиракчйириз улихьдин вахтари радиойин кIулиъ ади гъахьидари гъапIу ляхниканра мялум гъапIнийи. Гьадрарикан сар Мягьямед Гьямидов вуйи. Трибунайихъна удучIву гьарсар касди Мягьямед Гьямидовдикан, баркаллувалин гафар кIури, кIваин апIурайи. Фицики думу гизаф намуслу, инсанвал кайи кас вуди гъахьну.

Чан удучIвну улхбаъ нугъай халкьдин шаир ва журналист Анварбег Къултаевди чанна Мягьямед Гьялимовдин арайиъ гъахьи гьядисйириканра ктибтнийи ва гьарсаб дюшюш, М.Гьямидовдиз чухсагъул мялум апIури, кIваина гъабхнийи.

Мидланра гъайри, гъябгъюрайи серенжемдиъ мукьмарин пайра гьязур дапIнайи. Уч духьнайидарин улихьна удучIвну, Ягь’я Исакьовди агъул чIалниинди, Аьбдуллагь Мягьямедмирзоевди авар чIалниинди, Камалудин Мягьямедпашаевди дарги чIалниинди ва Закир Небиевди табасаран чIалниинди мяълийир гъапIнийи.

Комментарии:

f1 in1 ok1 t1 v1 y1

Top