ГлавнаяЮбилеиПоэзияйин рякъюъди

Поэзияйин рякъюъди

1 1 1 1 1 1 1 1 1 1 Рейтинг 5.00 (1 Голос)

8785Гьаму улихьнаси Дербент шагьрин 15-пи мектебдиъ азербайжан чIалниинди бикIру шаир ва мяълийирин устад, Азербайжан Республикайиъ чапдиан удубчIвурайи «Азад кьалам» кIуру газатдин мухбир Зейнаб Дербендлийин яратмиш апIбариз бахш дапIнайи серенжем кIули гъубшну. Серенжемдиъ мектебдин мялимар, урхурайидар, Дербент шагьрин культурайин отделин кIулин пишекар Гюльпери Мирзабалаева, библиотекайин директор Диана Аьлиева, шаирар – Фахредин Оруджев, Шюшеханум Мягьямедова, Сафият Жалгъанская, шагьрин мектебариъ азербайжан чIал киврайи мялимар, азербайжан театрин артистар иштирак гъахьну.

Серенжем гьязур гъапIу му мектебдин мялимар Эльмира Мовланвердиевайи ва Фарида Гарусовайи уч духьнайидар шаирин биографияйихъди таниш гъапIнийи. Дербент райондин Рукель гъулаъ бабакан гъахьи Зейнабдин уьмрин жилгъа гизаф читинуб гъабхьну. Дугъан уларин акв лап кьитди вуйивализ, фукьан юкIв хъашра, дугъхьан мектебдиъ урхуз шули гъабхьундар. Саб вазлин арайиътIан мектебдиъ дархьи шураз гьярфар чан дадайи улупну. Гьар вахтна аьгъюваларихьна маракьлувалиинди илтIикIури, поэзияйихъ юкIв хъади гъахьи шураз чан дадайи шаирвалин жилгъайиъ учIвуб васият гъапIну. Гьамусдиз шаирин 5 китаб удучIвна, Зейнабдин шиърар урус, табасаран чIалариз илтIикIна.

Серенжемдиъ иштрак’вал гъапIу мектебдиъ урхурайи баяр-шубари шаирин шиърар гъурхну, дугъан уьмрикан вуйи бицIи сягьнийир улупну. Чан яратмиш апIбариъ Зейнабди асас фикир багъри юрдназ, Дагъустан ва Азербайжан Республикйирин халкьар сатIи апIувализ, дуствалин арйир гужли апIувализ жалб апIура. Дугъан тешкиллувалиинди гагь Дербентдиъ, гагь Азербайжандиъ шаирарин, артистарин гюрюшар шула. Дугъаз дадайикан вуйи шиърарра гизаф а. Азербайжандиъ яшамиш шулайи композитор Ильмирин музыкайихъди шаирин 40-тIан артухъ мяълийирра арайиз удучIвна.

Зейнабдин яратмиш апIбариъ бицIидариз вуйи шиърарра а. 15-пи мектебдин директор Летиф Летифовди гъапиганси, Зейнаб Дербендлийи, чан шиърариъ чан багъри юрдарикан кIури, жара инсанаринра ихь республикайихьна вуйи маракьлувал артухъ апIура. VI аьсриан чан тарих ккебгърайи гъулаъ бабкан гъахьи Зейнаб гьамусяаьт чан гъардшин хпирихъди ва гъардшин баяр-шубарихъди яшамиш шула. Дугъан абйир-бабар ва гъардаш кечмиш гъахьну. Читинвалариз дилигди, шаир гьар вахтна Дербент шагьриъ ва райондиъ гъягъюрайи серенжемариъси, Азербайжандиз гъушу вахтнара, душваъ гъягъюрайи мяракйириъ жанлуди иштирак шула. Урусатдин ва Азербайжандин писателарин Союзарин член вуйи Зейнаб Дербендлийин Кьибла Дагъустандиъ яшамиш шулайи шаирарихъди ужудар аьлакьйир а. Му серенжемдиъ Фахредин Уруджевди чан удучIвну улхбаъ гьамци гъапну: «Зейнаб 40 ашкьвихъди талитнаъ учIвиш, гъалиб шлуб аьгъязуз. Чав гъидикIу гафариз мяълийир апIури, Зейнабди чан яратмиш апIбариз бахш дапIнайи серенжемариъ иштирак шулайидар гьяйран апIура».

Урхуз даккунди гъабхьиш, баяр-шубари ва абйир-бабари тахсир мектебдиин, мялимариин алапIуру. Дадайи улупу гьярфариинди урхуз ва бикIуз гъудубгъу шуру гьамусяаьт швнуб-саб китаб гъидикIну. Шаири табасаран чIалназ таржума гъапIу шиърарин гъварчра чапдиан адапIбакан фикрар апIура.

Комментарии:

f1 in1 ok1 t1 v1 y1

Top