ГлавнаяЮбилеиМашгьур шаирин йигъар

Машгьур шаирин йигъар

1 1 1 1 1 1 1 1 1 1

Машгьур шаирин йигъарЦци машгьур шаир Расул Гьямзатов бабкан гъахьи йигъхъан мина 95 йисандин юбилей тамам хьпахъди аьлакьалу серенжемариз, Урусатдин жюрбежюр пIипIарианси, харижи гьюкуматарианра шаирар, писателар, культурайин вакилар гъафну.

Сентябрин 9-пи йигъан вари дюн`яйиз адлу шаирин яратмиш апIбариз бахш дапIнайи мяракйир Дербент шагьриъра кIули гъушну. Дагъустандианси, Урусатдианра вуйи хялар Дербент шагьрин главайин вазифйир тамам апIурайи Энрик Муслимовди, ГУО-йин начальникдин вазифйир кIули гъахурайи Гюльназ Самедовайи, шагьрин администрацияйин культурайин отделин начальник Арсен Аруховди кьабул гъапIну.

Му серенжемдин иштиракчйир культурайин лайикьлу пишекар, Урусатдин писателарин Союздин член, шиклар йивру художник Ниматуллагь Нурмягьямедовдин дюн`яйин культурйирин ва динарин тарихдин Музейиъ абццу выставкайиъ иштирак гъахьну. Серенжем ачмиш апIури, Энрик Муслимовди Расул Гьямзатовдин яратмиш апIбариз аьхю кьимат тувну ва ихь ватанагьлийин, адлу шаирин поэзияйи республикайиъси вари дюн’яйиъра важиблу роль уйнамиш апIурайиваликан гъапну.

Выставкайин кьяляхъ серенжемдиз уч духьнайидар Расул Гьямзатовдин ччвурнахъ хъайи 20-пи нумрайин мектебдин коллективди гьязур гъапIу литературайинна музыкайин композицияйиъ иштирак гъахьну. Шаирар Аминат Аьбдулманаповайи, Шагьвелед Шагьмардановди, Паху Хайбулаевайи, Владик Батмановди, Сувайнат Кюребеговайи, ТIагьир Салягьди ва жарадари Расул Гьямзатовдихъди гъахьи чпин гюрюшарикан, дугъан яратмиш апIбарикан ктибтну ва жвуван эсерарихъди таниш гъапIну.

Серенжемдиъ Расул Гьямзатовдин шиърар авар, къумугъ, дарги ва азербайжан чIалариинди гъурхну. Му йигъан мяракйириъ иштирак гъахьидари гьацира Низами Гянжевийинна СтIал Сулей-мандин ядиграриинра кюкйир дивну.

Комментарии:

f1 in1 ok1 t1 v1 y1

Top