ГлавнаяЗдравоохранениеГриппдиз аьксиди

Гриппдиз аьксиди

1 1 1 1 1 1 1 1 1 1 Рейтинг 5.00 (1 Голос)

grippРеспубликайин сагъламвал уьбхбан Министерствойиан мялум гъапIганси, гъийин йигъаз 1 миллионна 122 агъзур касдиз гриппдиз аькси вуйи прививкйир дивна. 

Дагъустандин агьалйирин уьмуми кьадарнакан гриппдин иммунизация гъубхдари 38% тяйин апIура.
Пулсуз прививка сабпи нубатнаъди бабкан духьну йирхьуб ваз бегьем дархьи бицIидариз, гьямила дишагьлийириз, кьабидариз, мялимариз, бицIидарин багъариъ лихурайи тербиячйириз, духтрариз, сагъ апIуз даршлу гъагъи уьзур кайидариз, игьтияжар гьуркIру тешкилатарин вакилариз апIури гъахьну.
Гъийин йигъаз республикайиъ грипп ва ОРВИ уьзрар тарагъувалин аьгьвалат асккан дережайиъ а. Сагъламвал уьбхру Министерствойиъ думу вирусарихъди аьлакьалу вуди гьар гьяфтайиъ мониторинг гъабхура. Духтрари къайд апIурайиганси, вакцинация гриппдихьан уьрхбаъ важиблу роль гъабхурайи ихтибарлу яракьси гьисаб шула. Диди пневмония, бронхит, синусит, отит ва гьацдар жара уьзрар тарагъуз гъитудар.
Гьацира духтрари, гриппдин профилактика гъабхури, агьалйириз кми-кмиди марцци гьавайихьна удучIвуб, зарядка апIуб, эпидемияйин вахтна, яна чвну ва кьюрдну, агьалйир артухъси уч шлу йишварихьан гъирагъ йивуб ва хул’ан удучIвруган, хъюхъникан оксолиновый дарман ктатуб теклиф апIура.

Комментарии:

f1 in1 ok1 t1 v1 y1

Top