ГлавнаяЗдравоохранениеЗакурин сагъ’вал ичв хилиъ

Закурин сагъ’вал ичв хилиъ

1 1 1 1 1 1 1 1 1 1 Рейтинг 5.00 (1 Голос)

425 pubГъябгъюрайи йисан ноябрин 27-пи йигълан 3-пи декабризкьан ихь гьюкуматдиъ жямяаьтлугъ тешкилатарин ва уьлкейин гьюкмин органарин тешкиллувалиинди «ВИЧ/СПИД яваш апIурхьа» Вариурусатдин юкьубпи акция кIули гъябгъюра.
Акцияйин дахилнаъди гьадму йигъари Урусатдин Федерацияйин гьарсаб субъектдиъ Роспотребнадзорин Управлениейин ва эпидемиологияйинна гигиенайин центрарин, гьацира СПИД-центрарин пишекрари «убцру линияйин» телефондиан ВИЧ-инфекцияйин профилактикайиан, хатIасузвал уьбхбан месэлйириан ва региондиъ ВИЧ-инфекцияйихъди арайиз дуфнайи агьвалатнакан консультацйир гъахура.
Акция гъабхбан асас метлеб – Урусатдин аьтрафариин думу уьзрар тарагъбан учIру месэлайихьна жямяаьтлугъдин фикир жалб апIувал, жигьиларин ва живанарин арайиъ ВИЧ-инфекция тарабгъурайиваликан абйир-бабариз, мялимариз ва студентариз кьатI’и мялуматар тувувал, му месэлайихъди аькси женг гъабхуз гьюкмин органарин ва жямяаьтлугъ тешкилатарин кьувватар сатIи апIувал ву.
Вариурусатдин акцияйиъ Дагъустанра жанлуди иштирак шула. Акцияйин дахилнаъди региондин саки вари муниципалитетариъ, урхбан идарйириъ, культурайин центрариъ, жюрбежюр тешкилатариъ ВИЧ/СПИД-диз аькси серенжемар, гергми столар тешкил апIура ва кIули гъахура.
Акцияйин серенжемарин арайиъди ВИЧ/СПИД-диан сагъламвал мюгькам апIбан ва му цирклиъ лихурайи пишекар духтрарин иштираквал ади Вариурусатдин III форум гъабхузра планламиш дапIна.

Комментарии:

f1 in1 ok1 t1 v1 y1

Top