ГлавнаяЗдравоохранениеВижнасузвалин натижа

Вижнасузвалин натижа

1 1 1 1 1 1 1 1 1 1 Рейтинг 5.00 (1 Голос)

22222 2Улихьнаси жандиъ мяхъв ади, гъухар иццури, ликариин дийигъуз даршули аьзарлу гъахьнийзу. Хулаз участокдин духтриз дих гъапIунза. Раккнарихъна хъуркьайизра, дугъу: «Температура анив?» – гьерху.
– 37 градус, – жаваб тувнийза.

– Гъи узухьна пневмония кади сар дишагьли гъафну, хъа уву, саб бицIиди ктIерццну кIури, жвуву жвуван гъайгъу дизригди, гьавайиди духтриз дих апIурава! – кIури, наразивал улупу духтри.

Гьаму йисан аьхълушнарихъди сатIиди хайлин вирусарра ачмиш гъахьну. Жямяаьтлугъ транспортдиъди гъягъруган, гизаф касар уьгьйир апIури, хъа гизаф инсанар аптекйириъ дарман гъадабгъбан нубатнаъ дийигъну рякъюрахьуз.
Эгер учвук вая ичв веледдик вирус кубчIвиш, хъа ифдик беден думу вирусдихьан уьбхру клеткйир цIибтIан ктарш, духтрин кюмек дарди, уьзур гьеле-меле сагъ апIуз шулдар. Гьаддиз мушваъ вакцинация гъабхували важиблу роль уйнамиш апIура. Диди эпидемияйин вахтна ачмиш гъахьи учIру вирусарихьан беден уьбхюру.
Дагъустандин эпидемиологияйин ва гигиенайин центрин бинайиин гъуху ахтар-миш'валариинди, гъийин йигъаз республикайиъ грипп-диз аькси вуди 911565 касдиз (474158 бицIидариз ва 437407 бегьем яш дубхьнайи касариз) прививкйир дапIна. Му пландиъ улупнайи кьадарнакан 81,2% ву.
Вакцинация гъабхуз агьалйирин вари гъатариз теклиф апIура, хъа асас вуди думу бицIидариз, сагъ апIуз даршлу уьзур кайидариз, гьямила дишагьлийириз, жямяаьтдихъди артухъди сигъ аьлакьайиъ шлу гъуллугъчйириз (духтрар, мялимар ва гь.ж.), студентариз чарасуз лазим ву.
Республикайин эпидемио-логияйин ва гигиенайин центрин кIулин духтрин заместитель Аьйшат Гьяжиевайи, ОРВИ-йин ва гриппдин эпидемия арайиз дуфнайи вахт-на, жвув ва багахьлуйир иццру дархьуз гьапIну ккундуш, ктибтура.
«Уьзур сагъ апIувалтIан, дидин профилактика гъабхувал гьииди ву. Гьаддиз аьхълушнар гъахьибси, мани палат алабхьай. Вирусдин бина инсан ву. Гизаф кьадар инсанар уч шлу йишварихьан ярхла йихьай. Вирусдиан аьзарлу гъахьи касди, чакан тина жарадарикна вирус тарарабгъбан бадали, медицинайин маска алабхьну ккунду. Кми-кмиди хилар жикIай. Хулаъ, кабинетдиъ гьава марцц апIуб лазим ву. Вирусар мани хулаъ сяътариинди гъузру, хъа гьава гьюдюхюз хъюгъюбси, дурар йихуру. Марцци гьавайихьна удучIвай.
Нагагь учву иццру гъахьнуш, хулаъ учвуз мялум вуйи дармнарихъди вая Интернетдин теклифариз фикир туври, жвув сагъ апIуб лазим дар. Сабпи нубатнаъди духтрихьна илтIикIай», – гъапну Аь. Гьяжиевайи.
Ав, узухьна гъафи духт-риз чав бизар дапIну ккунди адайи. Хъа узу узуз аьгъю къайдайиинди сагъ'валин курс ккебгънийиш, уьзур артухъси гъагъи хьуб ва гьадму пневмония дубхьнайи дишагьлиси гъагъи гьялназ гъюб мумкин вуйи. Хъа думу вахтниинди духтрин кюмек дархьбан ва сагъ̕валихьна вижнасузвалиинди илтIикIбан натижа ву.

Комментарии:

f1 in1 ok1 t1 v1 y1

Top