ГлавнаяЗдравоохранение

Гриппдиан ва ОРВИ-йиан иццру хьувал ис шула

1 1 1 1 1 1 1 1 1 1 Рейтинг 5.00 (1 Голос)

w Чвул улубкьубси, гьавйир дигиш гъабхьибси инсанарик гриппдихъди аьлакьалу уьзрар кучIври шулу. Гьар йисан сентбярь-октябрь вазариъ вари республикайиъ гриппдиз аькси вакцинация гъабхура. Дагъустан Республикайиъ гриппдиз аькси вуди гъабхурайи вакцинацияйин гьар йигъан апIурайи мониторингдиз асас вуди, республикайиъ гриппдиз аькси профилактикайин прививкйир апIру милли календарин дахилнаъди хайлин яшлу касаризра, бицIидаризра прививкйир дапIну ккудукIна. Прививкйир дапIнайи касарин уьмуми кьадар 1 миллионна 124 агъзурна 86 кас ву (100%). Дурар вари анжагъ вуди дапIну ккунидар ву. Му кьадар республикайиъ яшамиш шулайи вари агьалйирикан анжагъ 38,5%-тIан шуладар.

Гриппдиз аьксиди

1 1 1 1 1 1 1 1 1 1 Рейтинг 5.00 (1 Голос)

grippРеспубликайин сагъламвал уьбхбан Министерствойиан мялум гъапIганси, гъийин йигъаз 1 миллионна 122 агъзур касдиз гриппдиз аькси вуйи прививкйир дивна. 

Дагъустандин агьалйирин уьмуми кьадарнакан гриппдин иммунизация гъубхдари 38% тяйин апIура.
Пулсуз прививка сабпи нубатнаъди бабкан духьну йирхьуб ваз бегьем дархьи бицIидариз, гьямила дишагьлийириз, кьабидариз, мялимариз, бицIидарин багъариъ лихурайи тербиячйириз, духтрариз, сагъ апIуз даршлу гъагъи уьзур кайидариз, игьтияжар гьуркIру тешкилатарин вакилариз апIури гъахьну.

Ихтият йихьай – деллу гьяйванатар

1 1 1 1 1 1 1 1 1 1 Рейтинг 5.00 (2 Голосов)

i 1Гьаму йисандин 9 вазлин арайиъ республикайиъ вягьши гьяйванатари кьацI апIувалиан 3 агъзурна 973 касдиз зийнар гъахьну. Гьадму кьадар инсанарикан 1 агъзурна 578 кас яшар 14 йис дубхьну адру бицIидар ву кIури, Урусатдин РД-йиъ айи Роспотребнадзорин Управлениейиан мялумат тувра.
Айи мялуматариинди, асас вуди кьацIар хуйири (59%), гатйири (31%) ва миди вуйи гьяйванатари гъапIну.

Агьалйирин сагъламвалин гъайгъушнаъ

1 1 1 1 1 1 1 1 1 1 Рейтинг 5.00 (1 Голос)

10yСабпи ражну Дагъустандин Огни шагьрин поликлиника гъябкъиган, узу гизаф мюгьтал гъахьнийза. ДутIуркIнайи цаларигъ гъяйи йишваригъян чIатишв рябкъюрайи. Ранг алдру, аьхъиз ухшар вуйи «дарамат» лап пис гьялнаъ айи. Кьюбпи ражну узу мина октябрин 23-пи йигъан гъафиган, думу йирси цалар аьгъю даршлуси дигиш духьнайиган, гизаф рази гъахьунза. Мушваъ бинайиан тешкил дапIнайи расвалин ляхнар гьелелиг ккудукIну адаршра, аьхюнубсиб пай ляхин тамам дапIна. Кабинетариз духтрихьна гъягъюз нубатнахъ дийигънайидариз коридорикк цIийи стулар дивна. Гьацира коридорикк жюрбежюр уьзрарикан мялуматар кайи цIийи стендар ккерхна.

Шагьрин агьалйирин сагъламвал уьбхбаъ му тешкилатдин пишекрари фициб ляхин гъабхураш аьгъю апIуз ккунди, узу душван аьхюну медсестра Каинат Аьбдулкеримовайихъдина терапевтвалин гъуллугънан заведующий Гюльмира Гьяжибалаевайихъди гюрюшмиш гъахьунза.

Аьхю гъуллугъ – аьхю вазифйир

1 1 1 1 1 1 1 1 1 1 Рейтинг 5.00 (1 Голос)

MirzabecovТабасаран райондин ЦРБ райондиъ аьхюсдар зегьметнан коллективарикан саб ву. Дидиз райбольница, кьюб участокдин больница, 9 духтирвалин амбулатория, 51 фельдшервалинна акушервалин пунктар ва муниципалин тяди кюмекнан станция дахил шула. Уьмуми гьисабниинди, гьамусяаьт райондиъ яшамиш шулайи 51 агъзуртIан артухъ агьалйириз медицинайин пишекарвалин кюмек туври, 85 духтир лихура. Дурарин арайиъ сар РФ-йин лайикьлу духтир, сар РФ-йин халкьдин духтир, 16 РД-йин лайикьлу духтрар, 19 РД-йин сагъламвалин отличникар, 11 – сабпи категорияйин, 31 – заан категорияйин духтрар а. Кьялан гъуллугъчйирин работникарин кьадар 450-тIан артухъ ву. Гьаму аьхю коллективдиз регьбервал тувуб, шаксузди, аьхю ва жавабдар ляхин ву. «Узу йиз улихь дийигъурайи вазифйирин ва дурар тамам апIбан жавабдарвал дюбхну ккунивалин ужуди гъавриъ аза», – гъапнийи ич гюрюшдиъ Абсеретдин Исмяилович Мирзабеговди.

Сагъламвал – инсандин асас девлет

1 1 1 1 1 1 1 1 1 1 Рейтинг 4.50 (1 Голос)

н.платовГьарсар касдин уьмриъ сагъламвалин месэлйири, шаксуз, варитIан асас йишв бисура. Йишвариин сагъламвал уьбхбан цирклар артмиш апIбан метлебниинди Урусатдиъ сикин дарди жюрбежюр серенжемар гъахура. Гьякьикьатди субут апIурайиганси, Дагъустандиъ, гьадму гьисабнаан Хив райондиъра, сагъламвал уьбхбан цирклин дережа ва ери за апIбан бадали, хайлин уьлчмйир кьабул дапIна. 

– Сагъламвал уьбхбан цирклиъ кьабул дапIнайи модернизацияйин метлеблу программйири думу гъурулуш хайлин артмиш апIуз мумкинвал тувну. Улупнайи вахтназ Хив ЦРБ сагъламвал уьбхювал тяйин ва мюгькам апIбаъ деврин тIалабариз тялукь техникайин алатарихъди тямин дапIна. Больница лазим алатарихъди тямин апIбалан савайи, мушваъ расвалин ляхнар гъахбазра хайлин кьувватар сарф дапIна, – гъапну сюгьбатнан эвелиъ Хив ЦРБ-йин кIулин духтрин вазифйир тамам апIурайи Нияз Платовди.

Эдебсузвалин шилнаъди…

1 1 1 1 1 1 1 1 1 1 Рейтинг 5.00 (2 Голосов)

ClipboasУрусатдин СПИД-диз аькси Центрин улупбариинди, гьамусяаьт ихь гьюкуматдиъ ВИЧ/СПИД-инфекция кайи агьалйирин кьадар 1,4 млн касдихьна удубчIвна. Думу центрин гъуллугъчйири субут апIурайиганси, саки гьар йисан му уьзриан тазади аьзарлу шулайи варжариинди агьалйир ашкар шула.

Тяди кюмек – чарасуз кюмек

1 1 1 1 1 1 1 1 1 1 Рейтинг 5.00 (1 Голос)

vrachi222Медицинайин тяди кюмек – му вари дюн’яйиъ инсан аьжаликкан ккадагъбан асас далиларикан саб ву. 2000-пи йислан мина сентябрин кьюбпи киш йигъан гизаф уьлкйириъ медицинайин сабпи кюмек тувбан Вари дюн’яйин йигъ къайд апIура. Думу йигъ ихь уьлкейиъра къайд гъапIну. Медицинайин сабпи кюмек тувбан метлеб – му хатIайикк ккахъуриз думу аьжаликкан ккадагъбан, дугъан аьзабар цIиб апIбан, хъасин аьхю читинваларихъна дархбан бадали, медицинайин лазим вуйи ва читин дару серенжемар кIули гъахувал ву. Пишекарвалин дициб кюмек, гьелбетда, духтрари тувру.

Вари дюнʼяйин тяди кюмек тувбан йигъ

1 1 1 1 1 1 1 1 1 1 Рейтинг 5.00 (1 Голос)

222Дюнʼяйин халкьарин гуманитарвалин гьяракатнан – Уьру Хачран ва Уьру ГьацIвазлин жягьтлувалиинди 2000-пи йислан мина сентябрин кьюбпи шембе йигъан гизаф уьлкйириъ Вари дюн’яйин медицинайин сабпи кюмек тувбан йигъ къайд апIура. Вари дюн’яйин сагъламвал уьбхбан тешкилатдин улупбариинди, гьар йисан кечмиш шулайи инсанарин арайиъ 10% ДТП-йириъ, штукк ккахьну, цIигъ дургну гъийихдар ва 15% инвалидар ву. 15-45 йисариъ айи касар кечмиш хьувалин ва, кьан дарапIди тувну ккуни кюмек ккун апIури, миллионариинди больницйириз илтIикIбан асас себеб – хатIа-балйириъ зийнар хьувал ву. Махлукьатлу хабрарин дакьатари мялум апIурайиганси, думу месэла Урусатдизра гьар йигъандинуб дубхьна. Аьхиримжи йицIбариинди йисари ихь уьлкейиъ кечмиш хьувалин ва зийнариан инвалидар хьпан улупбари аьхю йишв бисура. Гьаддиз кIваинди гъибтну ккундуки, медицинайин тяди кюмек тувбаъ сабпи сяаьтна туву кюмекнахъ хъубкьруб адар.

УкIаригъ гьитIибкIнайи… хицI

1 1 1 1 1 1 1 1 1 1 Рейтинг 5.00 (1 Голос)

kleschiznaysvoegovragavlico8Элгьет йигъан багахьлуйирихъди табиаьтдиз рягьятвал гъадабгъуз гъягъбан йикьрар гъапIнийча. Мягьячгъала шагьрихьан ярхла дарди Агъачаул кIуру гъул ерлешмиш дубхьна. Саб чарвайин йиккра шашликIариз аьлябхъну, Агъачаул гъулан аьтрафариин ужуб яркур ва штун дагар али йишв'ина гъафича. БицIи вахналан халуйин риш Аминайин гьарай вари ярквраъ арабгъу: «Да-да, гьаму фу ву?!» ВуйиштIан, бицIи шуру тамшир апIури амиди, укIаригъян дугъак хицI кубчIвну. Бахтнаанси, дугъаз гъиву кьацI сагъ'вализ хатIа айиб гъабхьундар, хъа ич «рягьятвал», икибаштIан, пуч гъабхьну. Учу, бицIи вахтнан арайиъ уч духьну, риш думу гъулаз багахь хьайи медпунктдиз гъухнийча.

Страница 5 из 12

f1 in1 ok1 t1 v1 y1

Top