Учуз бикIура

 

 

«Марцци шид» федералин программайиз асас вуди, Табасаран райондин Хючна гъулаз марцци шид зигувалин ляхнар 2020-пи йисандин эвелариз ккудукIну ккундийи, хъасин думу вахт майин вазлиз илдипнийи. Амма шид гъира хъубкьнадар. Улихьган шид адрувал пул деебтну адрувалихъди аьлакьалу апIури шуйи. Гьамус пулра деебтнайиган, шид адрувалин себеб фу вуйкIан?

Шид – халкьдин девлет ву. Табасаран райондиъ 90 йисандин арайиъ райцентр вуйи Хючна гъул хътадабтIди гъюру марцци штухъди тямин апIуз гъабхьундар. Му ляхин фила кIулиз адабгъиди?

Му месэла гюзчиваликк бисуб ва газатдин машариан тина жавабдар касарихьан гьерхуб-хъерхуб дапIну, фила Хючна гъулаъ, хъа иллагьки Ильдаровдин ччвурнахъ хъайи кючейиъ шид шулуш, республикайин «Табасарандин нурар» газатдин редакцияйикан якьин жаваб дебккуб хаиш вуйиз. Шид адруган, къайдалу уьмурра шулдар, му яшамиш хьувал дар, аьхир, хъа гуж-балайиинди гьилла мадар апIувал ву.