Аьхиримжи йисари агьалйириз банкариъ дивнайи чпин пулин дакьатар хул’ан удудучIвди, манзилнаъди ишлетмиш апIуз шлу мумкинвалар артухъ духьна. Гьаддихъди сабси агьалйирин пулин дакьатар икI апIру тIафлари чпин пишейиъ телефонар ишлетмиш апIуз хъюгъну. Ачухъди саризра пуз ккундар, амма ихь арайиъра телефондин тIафларин кучIлихъ хъугъу касар ва пулин аьхю зарарар гъахьидар гизаф а. Агьалйирин пул угърийирихьан уьбхбан бадали, РФ-дин Центральный банкди ва региондин МВД-йи сатIиди женг гъабхура.
Гьаму йисан кьюбпи кварталин арайиъ агьалйириз кучIал апIбан 237 агъзур дюшюшдиъ интернет-тIафлари 3 миллиард манатдиинакьан пул икI гъапIну. МВД-йин вакиларин кюмекниинди, икI гъапIу пулин дакьатарикан 11% кьяляхъ гъапIну. Гьаму мялуматар журналистарихъди вуйи пресс-конференцияйиъ Центральный банкдин Дагъустандиъ айи отделениейин идара апIурайи Мурад Идрисовди ашкар гъапIну. Гьаму йисан кьюбпи кварталин арайиъ агьалйириз кучIал апIбан 237 агъзур дюшюшдиъ интернет-тIафлари 3 миллиард манатдиинакьан пул икI гъапIну. МВД-йин вакиларин кюмекниинди, икI гъапIу пулин дакьатарикан 11% кьяляхъ гъапIну. Гьаму мялуматар журналистарихъди вуйи пресс-конференцияйиъ Центральный банкдин Дагъустандиъ айи отделениейин идара апIурайи Мурад Идрисовди ашкар гъапIну.
Дагъустандин МВД-йиъ интернетдиан лутивалин, угъривалин ляхнар апIрударихъди женг гъабхру, хусуси метлеб айи подразделенйири ляхин апIура. Кьибла Урусатдиъ Дагъустан Урусатдин Банкдин ва МВД-йин арайиъ йикьрар йитIнайи анжагъ саб регион ву. Гьаддиз лутивалин рякъяр ахтармиш апIуз ва тахсиркарвал ашкар апIуз рягьятди алабхъура.
«Тахсиркрарихьан банкдин, МВД-йин, прокуратурайин телефондин нумрариан дих апIуз шулу. Дурариз инсандин хъугъвалиъ учIвуз ва кучIал апIуз лап ужуди аьгъя. Инсандик гучI кабхъиган, дугъу угърийин табшуругъар тамам апIуз хъюгъру», – ктибтнийи гюрюшдиъ МВД-йин РД-йиъ айи УУР-ин отделин начальник Шамил Аьгьмедовди. Дугъу агьалйирикан, эгер банкдиъ айи пуликан гьерхуб-хъерхуб ккебгъиш, телефондиан дих дапIнайирихъди апIурайи гафар дерккувал, банкдиз телефондиан дих апIувал тIалаб апIура.
«Эгер ичв карточкайиин али пул къанунсузди алдабгънуш, банкдиз душну, гьадму йигъан аьрза бикIувал лазим ву. Хъа къанун уьбхру органарихьнара илтIикIну ккунду. Пулин эйсийи пин-код ясана хусуси улупбар тахсиркрарикна чав гъапнуш, банкдихьан пул кьяляхъ апIуз шулдар. Хъа, эгер ичв тахсир адарш, карточкайилан алдабгъу пул 30 йигъандин арайиъ кьяляхъ гъибди. Банкдин гьякьлу гъуллугъчийи ичв фамилия, ччвур, адашдин ччвур, картайин номер сабанра гьерхидар, фицики дурар дугъаз аьгъя. Эгер думу суалар арайиз гъюраш, телефондихъан гафар апIувал дебккай», – ктибтнийи Мурад Идрисовди.
Центральный банкдин тешкиллувалиинди гъубшу йисан телефондин 12 агъзур номер хъяркьну. Думу нумрариан лутйири дих апIури гъахьну. Гьаму йисан телефондин лутйири гъапIу тахсиркарваларин гьякьнаан 101 дело суддиз хътаъну. Къайд апIувал лазим вуки, гъидису тахсиркрари икI гъапIу пул кьяляхъ тувну.
Ихтиятвал уьбхяй, гьюрматлу ватанагьлийир!
