Ихь уьлкейин вари регионариъси, Дагъустандиъра 15-пи октябрилан башламиш дапIну, 14-пи ноябризкьан агьал-йир гьисаб апIбан ляхин кIули гъябгъюра.
Улихьна йигъари Табасаран райондин администрацияйиъ муниципалитетдин аьтрафариин агьалйир гьисаб апIбан (перепись) ляхин кIули гъабхувалин месэла гьял гъапIну.
Райондин глава Мягьямед Къурбановдин регьберва-ликкди кIули гъубшу совещаниейиъ гъуларин поселенйирин главйирра иштирак гъахьнийи.
Уч духьнайидарихьна илтIикIну, Мягьямед Къурбановди агьалйир дюзди гьисаб апIувал райондиз важиблу вуйиваликан, думу ляхниъ гьарсар кас иштирак духьну ккуниваликан гъапну. Дугъу мялум гъапIганси, райондиъ агьалйир гьисаб апIру 105 кас лихурайи 15 участок ачмиш дапIна. Дурар вари, Роспотребнадзорин тIалабар тамам апIури, маскйирихъди, антисептикарихъди тямин дапIна.
КIваина хурача, переписдиъ шубуб жюрейиинди иштирак хьуз шулу: «Госуслуги» порталиъ хусуси кабинетдиъ, гьисаб апIрудар хулаз гъафиган, ясана перепись гъабхурайи участокдиз душну.
