Вузари чпин ляхин манзилнаъди давам апIиди

 

 

РФ-йин илимдин ва образованиейин министерствойи вузариз 7-пи ноябрихъан тина манзилнаъди вуди ляхин апIуз ихтияр тувну.

 

 

8-пи ноябрихъан башламиш дапIну, вузари ва илмин тешкилатари аьгъювалар тувбан ляхин манзилнаъ жюрейиинди давам апIиди, вая студентари аьгъювалар чпи кIул’инди гъадагъну ккун хьибди. Дидин гьякьнаан министерствойи къарар адабгъну.
Гьацира, вузариз аттестацияра дистанционно гъабхуз ихтияр тувиди.

Чпин нубатнаъ вузари студентар мялуматаринна образованиейин электрондин дакьатарик китIувал тямин апIувалин ва манзилнаъди вуйи образованиейин технологйирин ерийин зиин гюзчивал дубхну ккунду.

Дидлан савайи, вузари урхурайидариз методикайин кюмек тувуб ва шубуд йигъ улихь ккимиди дапIну ккуни ляхнин гьякьнаан мялумат тувуб лазим ву.

Коронавирусдин тIягъвни мектебариъ, вузариъ урхурайи баяр-шубариз дурумлу аьгъювалар гъадагъуз манигъвал апIури, магьа кьюд йистIан артухъ ву.

Гьяйифки, гъийин гьялну ухьу пашман хьуз гъитра, фицики аьдати жюрейиинди, мялимдин улихь деъну, дугъан ушвниан удубчIвру гьарсаб гаф сифте аннамиш, хъасин практикайиъ ишлетмиш апIури, аьгъювалар гъадагъубна, экрандин улихь деъну, вахт-вахтарик аьлакьара дубгри, кьюбиб терефаринра жавабдарвалра ис абхъри, гъадагъу аьгъювалар саб дар. Аьхю шулайи наслин гъюзимбу гележег фициб шуйкIан, кIуру фикрари абйир-бабариз архаинвал туврадар. Ухьуз хабарсузди гъядябхъу алабхъу му бедбахтвал шлубкьан ухди терг шул дупну, умуд кивурхьа.