Йирси газатар ккадаркури
гизаф баяр айи бабариз кюмек
Дагъустандин халкь комиссарарин советдин къарарниинди, табасаран райондин Ярса, гъулан 8 бай айи Эсбетдиз 10.000 манат, шамйиз 8 бай айи 10.000 манат, Туриф гъулан Зюлфдиз 8 бай айи 10.000 манат, НичIрас гъулан 8 бай айи Бабучриз 10.000 манат, ТIюрягъ гъулан 8 бай айи Айнайиз 10.000 манат, Ничрас гъулан 8 бай айи шекериз 10.000 манат, ГьепIил гъулан 8 бай айи Гюлюсюмдиз 10.000 манат Аркит гъулан 8 бай айи Умрагьилдиз 10.000 манат ЦIурутIил гъулан 8 бай айи ФатIиматдиз 10000 манат, Пилигъ гъулан 8 бай айи Муслиматдиз 10000 манат, Ягъдигъ гъулан 8 бай айи ханомдиз 10.000 манат, шилла гъулан 7 бай айи Аслидиз 8000 манат, Хюрик гъулан 7 бай айи гъизтамандиз 8000 манат, Арак Гъулан 7 бай айи Эсбетдиз 8000 манат Х.пенжигь гъулан 7 бай айи гюлханумдиз 8000 манат, СулантIил гъулан 7 бай айи фатмаханумдиз 6000 манат гъуярик гъулан 7 бай айи Сааьдатдиз 6000 манат, Юргнигъ гъулан 7 бай айи Ашатдиз 4000 манат ва ЧIири гъулан 7 бай айи Анаханомдиз 2000 манат вари 168000 манат Гьюкуметдин кюмек тувну.
Гьаму зиихъ ччвурар бикIну гизаф баяр айи бабари 1936 пи йислан 1940 пи йисазкьан гьар йисан 2000 манат гьюкуметдин кюмек гъадагъиди.
Наврузов Наврузбек
идара даллаг ханайиз илтIикIна
Хив райондин гъандкарин гъулан советдин идара даллагханайиз илтIикIна. Месэла: гъулаъ фуж гъахьишра сакъкъал, КIул алдаърур гъулан советдин идарайиз аьгъюру.
Советдин председатель Муъминди халкьдин, партияйин ва гьюкуметдин гъулаъ гъахурайи полит хоз Компанияр кIули гъахивал кIаиндикьаннадар.
Муъмин советдин идара ухди къайдайикк ккауб лазим ву
Ручка
Избачитания хъяргъну шулу
Хив райондин гъандик гъула айи избачитания гьар вахтна хъяргъну шулу.
Избачитания саб газетдизкьанна абунаци дар, газет журнал сесниинди урхивал, цIийи китаб слан газет адар, ади айи китабаринна саб чIибандиз биши руг душна. Мушвайишв культурний саб йишв хьну ккни вал избачдин зоведищ Рамазанов чубанди му ляхниз саб фикир туврадар.
Хив рай оно! Мушваз гизаф фикир тув!
Ручка
мялимдиз лайикь дар
Туриф гъулан мектеб мудир Мягьямед Агьмедов чав совет мялим хьивализ диливди багахь вахтари сумчар дапIну душваъ чаз айи саб кIари кайи хни дурккну гизаф чахир арайиз духну ичги мажлисар гъурмиш гъапIну.
Му арайиъ гъалмагълар духьну, мегьемедин хилла ханжли хъатIну.
Совет Мялимдиз мицдар ляхнар лайикь дар.
Хил гъяркъюр
«Уьрю Табасаран»
21 апрель 1937 йис
№15 (250)
***
Комсомол мялимди садакьа тувну
Думурхьил Гъулан мектеб мудир, мялим комсомол юлдаш Абдулаев чан вазифайиз дилигди, багахь вахтари чан хпир гъакIи вахтна кюгьне аьдатариинди саб жард ва саб якъ дурккну садакьа тувну.
Садакьа тувивалин улихь йишв бисуб лазим ву.
Болшевик
«Уьрю Табасаран»
26 апрель 1937 йис,
№16 (251)
Столовайин гьял писди ву
Табасаран гьар жигьатнаан кьяляхъ имбу саб район ву. Мушваъ спициалистар, гъуллугъчияр ужуйи темин апIуб лазим вуки, дурари артухъди дилихну райондин кьяляхъ имбувалар бегьем апIуз. Амма Хючна айи Столовайи дурар тямин апIури адар. Столовай гъюблан гъюбаз пис шула. Гъуллугъчияр тямин апIуб тина гъузри, манишидна кьил, къуру уьлкьанна адарди йигъариинди вахтар аьгъюра.
35 пи йисан Столовайиз гюзел саб бина тикмиш гъапIнуйи, душваъ учIвган, инсандин юкI шад шуйи. Гьамус Столовайи гъуллугъчияриз дугъужвузра йишв даршлуси дараскьалди Столовайиз саб мурччв гьадатIну дерккна.
Столовайин бицIивал гъяркъган, инсандин юкIра дучIурхнуси шулу. Саб пара вахтари Столовай тамам хъяргъну шулу. аьйдарзуз Столовайиз отпоска тувруш, даш диди бальничный лист гъадагъуруш К1ул адагъуз мумкиндар.
Жикъи гафниинди Столовай хъяргъна, спициалистар ва гъуллугъчиярин яшайишдиз саб ословия дюзлемиш апIури адар, гьаддиз ливну ужудар спициалистар, марал ляхин апIру гъуллугъчияр районди ляхин дарапIди удучIваян ушбаз столовай себеб шула. Столовайин му чIуру плажения сабпну хьундар, 2-3 йис ву йигълан-йигъаз столовайин, коопративдин ляхнар исна ахьри, гьаму сааьт ликIру гьялихьна дуфна.
Швнур сар кассирна павор му столовайиз гъафну, гьарди чан хил̕ан гъюруб гъапIну коопратив столовай му гьялназ хуб превленияйин тахсир ву. Ва мици йигълан-йигъаз гьял пис шулу валин улихь йишв дибрисбаз рай исполкомдира цIиб эгьмият тувру.
Гьаддиз гюре столовай гьаму гьялназ дуфна.
Му гьялнаан удучIвну ккун.
гьясну зиянкарвал апIура
ТIюрягъ гъулан малдарвалин колхоздин гъабургъа ятгъиин али мар-ччаркан колхоздин 8 марчч гьяснан зиянкарвал апIуб кьасдниинди гъядлан ирчну гъийихну.
Саркар Балагъайи гьясан уву мици гьаз гъапIунва пиган, гьясну жаваб тувнуки, колхоздиз хьайиз йихуб ижи ву кIури.
колхоздиз къаршу вуйи Зиянкар, гьяснан улихь йишв гьадабтIуб лазим вуйи идарайикан тIалаб апIурча.
Риза, Хайруллагь
ва Мягьяммед
«Уьрю Табасаран»
10 май 1937 йис,
№ 19 254
Къайд: Рубрикайиккди тувнайи материаларин орфография ва авторарин хатI айибси, дигиш дарапIди тувна.
