Ватандин Аьхю дявдиъ гъалибвал гъадабгъну 74 йис тамам хьпан машквриз бахш вуди, Табасаран райондин Хючна гъулаъ Кьалухъ Мирзайин ччвурнахъ хъайи спорткомплексдиъ юкьяр дисбаан мектебариъ урхурайидарин арайиъ райондиъ сабпи йишв бадали вуйи турнир кIули гъубшну.
Душваъ миржиб команда иштирак гъахьну: Хючна, Гурихъ, Ягъдигъ, ТIаттил, ТIивак, ХустIил, Ярса гъуларин мектебарин ва «Олимп» команда. Турнирин натижайиъ сабпи йишв Гурихъ (командайин мялим-тренер Мурад Аьзизов), кьюбпи йишв – ТIивак (мялим-тренер Аьбдулманаф Аьбдулгьяли-мов), шубубпи йишв – Ярса (мялим-тренер Раким Аьгья-дов) гъуларин мектебарин командйири гъазанмиш гъапIну. Пешкешнан йишвар гъазанмиш гъапIу командйириз гьюрматнан грамотйир ва тялукь дережайин кубокар тувну.
Шиклиъ: юкьяр дисбаан Аьхю Гъалибвалин 74 йис хьпан машквриз бахш дапIнайи турнириъ пешкешнан йишвар гъазанмиш гъапIу командйирин мялимар-тренерар: Аьбдулманаф Аьб-дулгьялимов, Мурад Аьзизов ва Раким Аьгьядов.
