Октябрь вазлин 11-23-пи йигъари Дагъустандин дагълу гъулариъ вари Урусатдин «Урусат цIийикIултIан ачмиш апIурхьа» проектдин дахилнаъди экспедиция кIули гъябгъиди.

 

 

 

Дагъустандиз чпин тербиячйирихъди студентар-волонтерар гъиди. Дурари чпин экспедицияйин ляхниъ дагълу гъулариъ «Кюгьне ирс артмиш апIбан цIийи рякъяр агбан, вая Дагъустандин халачйир чпиина фикир жалб апIру бренддиз илтIикIбан» ме-сэлйирин зиин ахтармишар гъахиди.

Экспедицияйин иштиракчйири халачйирин устадарихъди гюрюшар тешкил апIиди ва сюгьбатар гъахиди, халачйир урхбан циркил артмиш апIбан улихь дийигънайи читин месэл-йирихъди таниш хьиди. Ахтармишар гъахурайидари региондиъ халачйир урхбан циркил фици яркьуди артмиш апIуз шулуш, устадар гъаврикк ккаъди.

«18-пи аьсриъ Дагъустандин халач-йир вари дюн’яйиз машгьур вуди гъахьнийи. Думу художествойин аьдати сяняаьткарвал ва халачйирин устадар ихь арайиъ имиди учуз дагъустандин халачйир, Урусатдиъси, харижи уьлкйиризра, фарсарин машгьур халачйириз ухшарвал айи региондин экспортдин лишанси, бренддиз илтIибкIуз ккундучуз. Хъа бренддин шейъ гьарган иша гъябгъюру», – гъапну проектдин тешкилатчйири.