ДНР, ЛНР, гьацира Запорожский ва Херсонский областар Урусатдин Федерацияйин дахилназ кьабул апIбан месэлайин гьякьнаан референдумар 23-пи сентябрилан 27-пи сентябризкьан гъягъиди.
Урусатдин ЦИК-дихъди йитIнайи йикьрари туврайи ихтияриз лигну, Дагъустан Республикайин сечкйирин комиссияйи региондин аьтрафариин яшамиш шулайи думу республикйирин ва областарин ватандашари сесер тувру участокар тешкил апIуз сечкйирин комиссйириз кюмек апIиди.
Дагъустандин избиркомди сесер тувру йишвар, тялукь авадлугъар, саб йишв-лан тмуну йишв’ина гъахру ишкIар, сес тувбан документар уьрхру сейф-пакетар ва гьацдар жара алатар тувбан ляхин тешкил апIиди.
Дагъустан Республикайиъ Луганскдин, Донецкдин рес-публикйирин халкьариз ва Запорожский ва Херсонский областарин агьалйириз сесер тувру 4 участок ачмиш апIиди.
Урусатдин Федерацияйин ЦИК-дин председателин заместитель Николай Булаевди къайд гъапIганси, Урусатдин ЦИК-ди ДНР-рин, ЛНР-рин, Запорожский ва Херсонский областарин сечкйирин комиссйириз Украинайин ва Донбассдин аьтрафарилан гьергну гъюз мажбур гъахьи агьалйириз сесер тувуз Урусатдин Федерацияйин аьтрафариин сечкйирин участокар тешкил апIбан кюмек тувди.
Референдумдиз гьязур духьна
Херсонский терефнаъ женг гъабхурайи Украинайин кьушмарин кьувват яваш гъабхьну. Нацистарихьан Херсонский областдин аьтрафариина гъюз хьибдар. Дидин гьякьнаан Херсонский областдин администрацияйин главайин заместитель Кирилл Стремоусовди мялумат тувра. Дугъан гафариинди, аьтрафар жара апIурайи рякъ союздин кьувватарин гюзчиваликк кка.
Августдин вазлин аьхириъ Украинайи Херсонскийна Николаевский областарин терефнаъ гьюжум апIуз хъюгъну. Урусатдин оборонайин министерствойи Украинайин кьушмарин гьюжмиз лайикьлу жаваб тувбакан, нацистарин гизаф кьушмар ва техника дагъитмиш дапIнайиваликан мялуматар тувнийи.
Хусуси метлеб айи дявдин операция гъабхурайи вахтна Урусатдин кьушмари Херсонский область ва Запорожский областдин Азовдин багахь хьайи пай, Херсон, Мелитополь ва Бердянск шагьрар гъидисну, Украина Азов гьюлихъан хътабтIну. Кьюбиб регионариъра цIийи администрацйир тешкил дапIна, Урусатдин телеканалари ва радиостанцйири ляхин апIура, Крымдихъди вуйи транспортдин ва ариш-веришдин аьлакьйир цIийи алаура, миржид йис улдубчIвбан кьяляхъ Кафари Крымдин канал либхуз хъюбгъна, полуостровдиина шид гъюра. Регионар референдум дубхну, Урусатдин дахилназ гъюз гьязур шула.
