Сар гъулажвуву тмунуриз кIура:
- Яв хпир гъяркъиган, хайлин шад шулаза.
- Хъа гьапIуз шад шулава?
- Думу йиз хпир даруган.

* * *
- Хпири жилириз:
- Уткан дишагьли гъяркъюбси, увуз хпир айивал кIваълан гьархравуз.
- Ваъ, гьадмуган уву кIваин шулазуз.

* * *
- Узу шубур хпир гъахунза. Шубриддизра ккундар кьюб гафартIан дайи: «Маважиб гъабхунна?».

* * *
- Дада, узу утканур вуйин?
- Яв адахлуйихьан гьерх!
- Фуж адахлуйихьан?
- Яв утканвал кьабул гъабхьи.

* * *
Таниш гъахьи хпарикан санури кIура:
- Кьад йис вуйиз швуваз душну ва гьарган ккунир сар кас вузуз.
- Яв жилир бахтлу кас ву!
- Йиз жилириз думу кас зат аьгъдар.

* * *
Ужуб хизан – лихурайи сабурлу жилир, хулаъ уткан хпир.

* * *
Кьюр хпир жиларикан улхура:
- Чаз ккунириз швуваз гъушу дишагьли аьхю бахтавар ву.
- Ваъ, кIуру кьюрпири. Аьхю бахтавар – жара дишагьлийиз ккуни жилириз гъушур ву.

* * *
Дустру гьерхра:
- Яв хпири кухняйиъ гизаф вахт адапIурайин?
- Ав! Ав!
- Дици вуш, думу ужур кьасабар вуяв.
- Увура гъапива! Ич хулан телефон кухняйиъ айич.

«Кроссворд» журналикан уч дапIну, ихь чIалназ таржума гъапIур Шихмягьямад Гьямидов ву.