Гьюрматлу дагъустанлуйир!

Учву Ватандин Аьхю дявдиъ Гъалибвал гъадабгъну 74 йис тамам хьпахъди тебрик апIураза!

9-пи Май – советарин халкьдин рюгьнан кьувватну ва Уьру Армияйин игитвали гъазанмиш гъапIу ислягьвалин ва азадвалин гирами машквар ву.

ВаритIан кьиматлу ва багьалу – жвуван хизан, хал, Ватан уьбхюз миллионариинди инсанар гъудужвнийи.

Гъалибвалин Йигъ, жара машкврарси дарди, ухьуз гьарсариз багахь ву. Ихь жямяаьт – жюрбежюр миллетар ва дин хъапIрудар, жара фикрин ва рябкъбарин инсанар сатIи апIру жара мициб машквар адар. 180 агъзуртIан артухъ дагъустанлуйири Ватандин Аьхю дявдин чюллериъ женгар гъахури гъахьну, дурарикан саб пайну Аьхю Гъалибвал бадали чпин уьмур тувну. Дурари, душман дерккбахъди сабси, гьамусдин ва гъюзимбу наслариз рюгьнан ва эдеблувалин мюгькам бина гъибтну.

УрчIвубпи майдиъ «Аьжалсуз полкнан» дестейиъди, машгьур абйирин шикларра хьади дурарин худлар ва гудлар гъягъиди. Дурарин арайиъ 1999-пи йисан Дагъустан вари халкьарин бандитарин алжагъувалихьан гъюбхю гьамусдин деврин игитарра а.

Гьюрматлу Ватандин Аьхю дявдин ветеранар, далу терефнан зегьметкешар, Яракьлу Кьувватарин эскрар ва респуб-ликайин вари агьалйир! Ичв Гъалибвалин Йигъ мубарак ибшри, учвуз ислягьвал, уж’вал ва хушбахтлу уьмур ккун апIураза.

Учвухьна гьюрматниинди

Дагъустан Республикайин

Глава В.Васильев