Майин вазлин 25-пи йигъан Хив райондиъ, «Рапак чай» нирин гъирагъдихъди вуйи аьтрафар зирзибилихьан марцц апIувал метлеб вуди, субботник тешкил гъапIну.
Райондиъ субботникдин серенжемар, нирарин ва даграрин гъирагъар санитарияйин къайдайиъ уьрхювал, табиаьтдин аьгьвалат ужу ва гьацира аьдати агьалйирин табиаьтдихьна вуйи янашмиш’вал мюгькам ва жанлу апIувал метлеб вуди, Урусатдин МЧС-дин табшуругъниинди ва вари Урусатдиъ кIули гъябгъюрайи «Марцци гъирагъ» кIуру акцияйин дахилнаъди гъухдар вуйи.
Субботникдиъ Хив райондин администрацияйин коллектив, райондин волонтерарин десте ва образованиейин идарйирин 10-11-пи классарин ученикар иштирак гъахьну.
