Сабпи августдиан мина Дагъустан Республикайиъ «Чек ча йип – пешкеш удубчIвидивуз!» акция кIули гъябгъюра. Думу серенжем РД-йин Глава Владимир Васильевдин тIалабниинди ва федералин налогарин гъуллугънан Дагъустандиъ айи управлениейин кюмекниинди республикайин дилаварчивалин ва инвестицйирин Агентствойи ва республикайин дилаварчйири сатIиди кIули гъабхурайиб ву.

Му республикайин дережайиъди гъябгъру яркьу акцияйиъ 14 йислан зина яшар духьнайи урусатдин ватандашарихьан иштирак хьуз шулу. Эгер учву 500 манатдилан зина магазиндиъ фицибкIа шейъ гъадабгъиш, ясана гьадму кьадар пулихъ ичв фициб-вуш гъуллугъ гьубкIнуш, чек тIалаб апIинай ва думу Dagdelo.ru сайтдиъ, ясана “Бизнес05» кIуру пулсуз мобильный приложениейиъ регистрация апIинай. Приложение Play Market-диан ясана Apple App Store-йиан телефондиъ ибтуз шулу.

Акция августдин 1-пи йигълан сентябрин 1-пи йигъазкьан кIули гъябгъиди.
Гъалибчйир тупут ипбиинди 7-пи сентябриъ тяйин апIиди. Серенжем телевидениейиан улупиди.