Сад-кьюд йис улихьна Табасаран, Хив районариан ва Дагъустандин Огни шагьриан вуйи, республикаан вузариъ заан хъуркьувалариинди урхурайи табасаран баяр-шубарик хъанара артухъси гьевес капIбан бадали, дурар уч дапIну, пешкешариинди лишанлу апIру аьхю форум гъабхури гъахьнийи. Мялум дару себебариан думу серенжем тешкил дарапIди кьюд йис вуйи.

 

Цци форум давам апIуз хъюгъну. Гьамусяаьт студентарин слетдиъ иштирак хьуз Табасаран, Хив районариан ва Дагъустандин Огни шагьриан вузариъ ужуди урхурайи, 3-6-пи курсариъ ва магистратурайиъ айи, жямяаьтлугъ, илимдин, спортдин ляхнариъ чпи ужуди улупу студентарин аьрзйир кьабул апIура. Форумдиъ иштирак хьпан бадали пропискара алди, паспортдин, зачетарин книжкайин копйир лазим ву. Аьрзйир 7-пи ноябриз кьабул апIура.

Аьлава мялуматар студентарихьан София Къурбановайиз (ДГУ) – 8(989)893-97-62, Румина Аьшурялиевайиз (ДГТУ) – 8(928)048-97-85, Назима Уьлчибеговайиз (ДагГАУ) – 8(928)527-44-45, Имамудин Агъабаевдиз (ДГПУ) – 8(965)494-50-74, Билал Пирмягьямедовдиз (ДГМУ) – 8(965)485-10-45, Камила Семедовайиз (ДГУНХ) – 8(989)876-62-73 ва Казим Ражабовдиз (РПА) – 8(967)406-04-16 телефондиан зенг дапIну, гъадагъуз шулу.