Дагъустан Республикайин образованиейинна илимдин Министерствойиъ педагогвалин ляхниъ ужудар хъуркьувалар улупурайи мялимариз премйир тувбаз вуйи, гьар йисан кIули гъябгъюрайи конкурсдиъ иштирак хьуз ккунидарин аьрзйир кьабул апIуз хъюгъна.
Министерствойин пресс-гъуллугънаан тувнайи мялуматариинди, конкурсдиъ иштирак хьуз асас ляхинси агъювалар тувру идарайиъ 3 йистIан артухъ вахтна ляхин апIурайи мялимариз ихтияр а.
Тувнайи мялуматариинди, конкурсдиъ иштирак шулайидарин регистрация апIувал 15-пи июндиан 25-пи июндизкьан гъябгъюри гъубзди.
Му ражари конкурсдиъ иштирак хьуз ккайи мялимарин документар, республикайиъ коронавирусдин уьзрихъди аьлакьалуди арайиз дуфнайи агьвалатназ лигну, очно ва электрондин жюрейиинди кьабул апIура. Конкурсдиъ иштирак хьуз аьрзйир туву мялимарин арайиан ужударсдар гъядягъбан серенжемар 27-пи июндиан 6-пи июлизкьан давам хьиди, ва гьадмуган вари иштиракчйиригъян 31 гъалибчира гъядягъиди.
Конкурсдин проектдиъ улупнайиганси, финализ удучIву 31 касдиз пешкешар тувбан серенжем мялимарин Йигъахъди аьлакьалу дапIнайиб хьибди кIури, министервтвойин пресс-гъуллугънаан мялум дапIна.
