Мейлан Нежефов

РД-йин кIулиъ айи Сергей Меликовдин къарарниинди республикайиъ «Багъри мектебдиз пешкеш апIин» кIуру акция кIули гъябгъюра.

 

Тешкил дапIнайи акцияйин гьякьнаан Хив районра гъирагъдиъ гъубзнадар.

Гьаци гьаму йигъари акцияйин шилнаъди РД-йин Халкьдин Собраниейин Дагъустандин Главайин вари ихтиярар айи вакил Нюсрет Уьмаровди багъри ГъуштIларин кьялан мектебдиз «кIубан колонка» багъиш гъапIнийи. Хъа дугъан кьяляхъ нубат гъадабгъури, райондин глава Ярмет Ярметовди чан багъри Хиварин кьялан мектебдиз спортдин инвентарь багъиш гъапIнийи.

Гъит райондин гьарсаб мектебдиз мицисдар выпускникар нумуна ишри, хъа мектебдиз туврайи пешкешар — урхурайидариз мюнфяаьтлудар!