Зубайдат Шябанова
Августдин аьхиримжи йигъари Табасаран райондин Хючна гъулаъ айи культурайин хулаъ мялимарин августдин совещание гъабхьнийи.

 

Совещаниейиъ райондин ва гъуларин кIулиъ айидар, мектебарин директорар, мялимар иштирак гъахьну.

Совещание ачмиш апIури, райондин кIулиъ айи Мягьямед Къурбановди вари мялимар улубкьурайи цIийи урхбан йисахъди тебрик гъапIнийи ва аьхиримжи вахтна райондин образованиейин цирклиъ духьнайи дигиш’валарикан, арццрайи цIийи мектебарикан ва бицIидарин багъарикан, федеральный программйирик рас апIуз ва бинайиан тикмиш апIуз кирчуз планламиш дапIнайи мектебарикан мялуматар тувну.

Райондин образованиейин цирклиъ гъазанмиш дапIнайи хъуркьуваларикан ва гьял дапIну ккуни месэлйирикан райондин образованиейин управлениейин кIулиъ айи Аьбдусалам Гьясановди асас доклад гъурхнийи.

Совещаниейин аьхириъ Мягьямед Къурбановди Табасаран райондин мялимари гъабхурайи баркаллу ляхниз заан кьимат тувнийи. Дугъу, чан гафар субут апIури, райондин 34 мялим «РФ-дин образованиейин цирклин гьюрматлу гъуллугъчи» ччвурназ лайикьлу хьувалихъди тебрик гъапIнийи. Мидланра гъайри, сар мялимдиз РФ-дин мярифатнан министерствойиан Гьюрматнан грамота хъадапIнайи, хъа райондин 23 мялим РД-йин образованиейинна илимдин министерствойин терефнаан Чухсагъулин кагъзар, 10 мялим Табасаран райондин главайин терефнаан Гьюрматнан грамотйир тувбиинди лишанлу гъапIну.