Гьаваханум Мягьямедовайи гьаму йисан Табасаран райондин ТIаттил гъулан кьялан мектеб ккудубкIну. Дугъу урус чIалнаан ва биологияйиан ЕГЭ гьарсаб 100 баллиз тувнийи. Мициб натижа – кьюб имтигьяндиан 200 балл гъазанмиш апIуб – 2023-пи йисан республикайиъ сар Гьаваханум МягьямедовайинтIан дар.
Аьхиримжи йисари учв иштирак шули гъахьи олимпиадйириъ Гьаваханум Мягьямедовайи гьаммишан 1-пи ва 2-пи йишвар гъадагъуйи. Ужуди дарсар урхурайивализ дилигну, дугъаз райондин глава Мягьямед Къурбановдин ччвурнахъ вуйи стипендияра туври гъахьну. Аьхю классариъ урхуз хъюгъхъанмина, духтир шулза кIури кьаст дапIну, дугъу намуслу зегьмет зигури гъахьну.
Гьаваханум Мягьяммедова ццийин йисан Табасаран райондин ад за гъапIу ватандашарикан сар ву. Гьаддиз думу йисандин выпускник вуди ктагъунча.