Нариза ТIаибова
Спортдин рякъюъ ихь ватанагьлийири улупурайи гьунарарикан «Табасарандин нурар» газатдин машариъ сикин дарди улхурахьа. Гьякьра ву, фицики дурар ихь дамагъ ву.

Хив райондин Сюгют гъулан ватанагьли Юсуф Къурбановди спортдин рякъюъ чан гьунарариинди багъри гъуландар рази апIура.
Июндин эвелариъ жигьил спортсмен Дагъустандин Огни шагьриъ кIули гъубшу РД-йин ММА-йин чемпионатдиъ ва Дагъустандин кьибла районарин первенствойиъ гъалибвалин сабпи йишваз лайикьлу гъахьну.
– Йиз спортдин рякъюъ гъалибвал йиз тренер Тимур Къурбановдиз бахш апIураза. Йиз хъуркьуваларик абйир-бабарин, йиз тренерин, багъри Хив райондиъ узхъан юкIв убгурайи гьарсар ватандашдин аьхю пай ка. Варидариз чухсагъул кIураза, –гъапну набалугъ спортсменди.
Гележегдиъра ихь ватанагьлийи спортдиан заан хъуркьувалар гъадагъур дупну, умуд кивурхьа.