Зубайдат Шябанова

 
Урусатдин Президент Владимир Путинди Табасаран райондин Гурхун гъулан вакил, хусуси метлеб айи дявдин операцияйин иштиракчи, Кьибла Военный Округдин уьмуми кьушмарин 8-пи армияйин 20-пи мотострелковый девизияйин 33-пи мотострелковый полкнан ургру ва кадатру алатарин гъуллугънан начальник, аьхюну лейтенант Рамазан Гьюсеновдиз баркаллагь мялум гъапIну.

 

Уьлкейин оборонайин мумкинвалар гьаммишан мюгькамди ва кьувватлуди дерккбаз ва гъабхурайи гъуллугънаъ хусуси заан мумкинвалар улупбаз лигну, уьлкейин Главнокомандующийдихьан вуйи пешкеш Рамазан Гьюсеновдиз полкнан командир подполковник Бахтияр Аьлимурадовди тувну.

 
Къайд апIуз ккундучуз, улихьнаси Рамазан Гьюсенов Жуковдин, Суворовдин, II-пи дережайин «Дирбаш’вализ лигну» медалариз лайикьлу гъахьну.

 
«Ухьу ихь игитариинди дамагъ апIурухьа, 2013-пи йисан взводдин командирилан ккебгъу гъуллугъ Рамазан Гьюсеновди, ватандин вафалу эскер ва дугъри ватанпервервал вуйиб субут апIури, варидариз нумуна вуди гъабхура. Чухсагъул ихь эскрариз. Ухьу ихь игитариинди дамагъ апIурахьа», - гъапну райондин глава Мягьямед Къурбановди.