«Саб вуйи Урусат» гъалиб гъабхьну
Гюльнара Мягьямедова
Дагъустан Республикайиъ 18-пи, 19-пи ва 20-пи сентябри урчIвубпи дих апIбан Государствойин Думуйиз, Дагъустан Республикайин миржибпи дих апIбан Халкьдин Собраниейиз депутатар ктагъбан, гьацира муниципальный 19 райондин ругариин ерли самоуправлениейин органариз депутатар ктагъхбан сечкйир кIули гъушну.
2026-пи йисан 21-пи сентябри РД-йин сечкйирин комиссияйин председатель Мягьямед Дибировди Дагъустан Республикайин сечкйин комиссияйин 148-пи заседание кIули гъубхну. Дугъу заседаниейиъ кIули гъушу сечкйирин натижйирикан мялуматар тувнийи.
Дагъустандиъ Государствойин Думайин депутатар ктагъбан сечкйириъ сесер тувбан бадали сиягьяриз гъадагънайидарикан 91,69% сечкичйир иштирак гъахьнийи. Исихъ Дагъустан Республикайин ругариин федеральный сечкйирин округдиъ Государствойин Думайиз депутатар ктагъбан сечкйирин натижйир туврача:
«Саб вуйи Урусат» – 92, 22%
«Гьякьлу Урусат» – 2,69%
«КПРФ» – 2,45%
ЛДПР – 1,45%
«ЦIийи инсанар» – 0,37%
Урусатдин коммунистарин Коммунист партия – 0,13%
Урусатдин пенсионерарин яшайишдин гьякьлувалихъан вуйи партия – 0,11%
«Ватан» – 0,11%
«Чрудар» – 0,11%
Дюзи демократияйин партия – 0,08%
Дагъустан Республикайин ругариин саб мандат айи сечкйирин округариъ Государствойин Думайиз депутатар ктагъбан сечкйириъ туву сесерин натижайиъ варитIан артухъ сесер исихъ тувнайи кандидатари гъадагъну: Мягьячгъалайин 10-пи нумрайин округдиъ Мягьямед Валиховди – 82,37%, Буйнакскдин 11-пи нумрайин округдиъ Нурбагьянд Нурбагьяндовди – 82,53%, Дербентдин 12-пи нумрайин округдиъ Хизри Абакаровди – 89,80%.
Дагъустан Республикайин Халкьдин Собраниейин депутатар ктагъбан сечкйириъ сесер тувбан бадали сиягьяриз гъадагънайи сечкичйирин 91,57% иштирак гъахьнийи.
Дагъустан Республикайин миржибпи дих апIбан Халкьдин Собраниейиз шубуб партия гъягъюра:
«Саб вуйи Урусат» партияйин Дагъустандин региондин отделение – 74% сесер, 69 мандат;
«Гьякьлу Урусат» партияйин региондин отделение – 11,99% сесер, 11 мандат;
КПРФ партияйин региондин отделение – 10,99%, 10 мандат.
Сечкйир, къанундин вари къайдйириз асас вуди, саламатди кIули гъушну. Дагъустан Республикайин сечкйирин комиссияйиз къайдасузвалар хьувалин гьякьнаан аьрзйир гъафундар.