Зубайдат Шябанова

Табасаран райондин 7 гъулаъ кадастрин сатIиди гъахурайи ляхнар аьхирихъна гъафну. Муниципалитетдин аьтрафариин гьаму жюрейин ляхнар гъахури сабпи раж ву. Райондин администрацияйи му цирклин месэла гьял апIуз кьатI’и рякъяр агувализ РД-йин минимуществойи ужуб кьимат тувну.

Табасаран райондин кIулиъ айи Мягьйи Мягьямед Къурбановди къайд гъапIганси, аьхиримжи вахтна райондин агьалйири чпин мулкарин сяргьятар кьатI’иди жара апIбан месэла хьади илтIикIури шулу. СатIиди гъурху кадастрдин ляхнарин кюмекниинди мулкарихъди аьлакьалу вуди арайиз гъюрайи гьюжатар, наразивалар кам хьиди, гъалатIар адагъну, сяргьятар, кIварар якьинди улупиди.

«Роскадастр» ППК-йин Дагъустандин филиали райондин 947 дараматдиъ аьтрафариин ляхин гъубхну. Комиссияйин заседаниейин натижйириинди, сатIиди вуйи кадастрин ляхнин дахилнаъди 7 гъулан аьтрафарин жиларин сяргьятар, кадастриинди жара
дапIну, гьисабназ гъадагъну. КIваин апIуз ккундучуз, сатIиди вуйи кадастрдин ляхнин асас усул – кадастрин гьисабназ вари мулкар гьюкуматдин дакьатарихъ гъадагъувал ву. Миди мулкарин якьин сяргьятар тяйин апIуз ва хулар, мулкарин гьюкуматдин
Сабвуйи реестриз тялукь мялуматар тувуз ихтияр тувра.

Мидланра савайи, гъюру йисан райондин аьтрафариин сабвуйи кадастрин ляхин давам апIуз йикьрар гъапIну.