Гьюрматлу дустар! Гьюрматлу артистар, режиссерар ва табасаран драмтеатриз уьмур туврайи гъуллугъчйир!

 

«Табасарандин нурар» газатдин редакцияйин коллективдин терефнаан учву марцци кIваан заан искусствойиз гъуллугъ апIури 25 йис тамам хьпахъди тебрик апIурача!
25 йисандин арайиъ зегьмет зигури, учву ихь театр, халкьдин культура, аьдатар ва бабан чIал артмиш апIурайи, табасаран халкьдин рюгь уьбхюрайи мюгькам макандиз илтIибкIначва. Учву, аьлхъюб ва ишуб, шадвал ва пашманвал Ватандихьна вуйи ккунивалин чIалниинди улупури, гьарсар табасаран тамашачийин кIвахьна рякъ дабгну, дугъахьди сягьна абайин багъри халси гьисс апIуз гъитрачва.
Учу, журналистари, саки гьар йигъан ихь тарихдикан ва деврикан бикIурача, хъа учву, сягьнайин устадари, думу цIарар чIиви апIурачва. Ичв яратмиш’валар ккудубшу деврин ва гъюзимбу уьмрин арайиъ айи гъяд ву. Гьарсаб спектаклиъ, гьарсар артистдин ролиъ ихь халкьдин тарих, аьдатар ва дуланажагъ атIабгура.
Багъри театриз аьхир адру уьмур, тамашачйири ацIнайи залар, кутIубшвуз даршлу яратмишарин гьевес ва цIийи дарамат ккун апIурача. Гъит ихь халкьдин юкIвар гьевеслу апIурайи вари артистарин кIван мурадар тамам ишри!

 

Аьхю гьюрматниинди
«Табасарандин нурар» газатдин редакцияйин коллкетив