Зубайдат Шябанова

Гьаму йигъари Табасаран райондиз «Дагъустан Республикайиъ сагъламвалин артмиш’вал» программайин ва «Сагъламвалин цирклиъ сабпи кюмек тувру идарйирин модернизация» милли проектдин дахилнаъди санитарный 4 машин тувну.

Табасаран райондин глава Мягьямед Къурбановди къайд гъапIганси, «Нива тревел» маркайин саб ва «Лада гранта» маркайин шубуб машин райондин участокарин больницйириз, духтрарин амбулаторйириз ва гъуларин ФАП-ариз тувди.

Машинар аьзарлуйир больницйириз, духтрар –иццрударихьна хулаз ва биологический материаларна анализар вахтниинди лабораторйириз гъахуз тяйин дапIна.