Республикайин шагьрариъ бицIидарин багъарин месэла фукьан учIруди дийибгънаш, жигьил абйир-бабариз лап ужуди аьгъя. Муниципалин багъдиз бицIир гъадагъбакан умуд кадабтIнайи абйир-бабари чпин бицIидар хусуси касарин багъариз тувра. Хусуси касарин багъариъра бицIирихъан туврайи кьимат шубуб-юкьуб, хъа бязи йишвариъ – йицIуб ражари артухъди ву.

 

 

Апрелин 13-пи йигъан Дагъустандиз Урусатдин Федерацияйин мярифатнан министрин заместитель Андрей Николаев гъафнийи. Региондин сарпи вице-премьер Батыр Эмеевдихъди дугъу «Образование» ва «Демография» милли проектарин дахилнаъди республикайин мектебариъ ва мектебдиз улихьна вуйи образова-ниейин идарйириъ аьлава йишвар арайиз хувалин месэлйириз бахш дапIнайи совещание кIули гъубхнийи.

Милли проектар уьмриз кечирмиш апIбан улупбариинди, РД-йиъ уьмуми ва мектебдиз улихьна вуйи образованиейин 71 объект тикмиш апIбанди ву. Тикилишчивалин ляхнарин генеральный подрядчик ФГУП-дин 4-пи нумрайин ГВСУ ву. Гъийин йигъаз 4 мектеб, бицIидарин 11 багъ ва 3 ясли тикмиш дапIну ккудукIна. Дурарикан 14 объект ишлетмиш апIуз ва душвариъ образованиейин ляхин гъабхуз ихтияр тувна. Имбуну тикилишарра гьамусяаьт тикмиш апIура. Дагълу районариъ тикмиш апIурайи 10 объект 2022-пи йисан сабпи кварталиъ ишлетмиш’вализ тувбанди ву.

Совещаниейиъ Андрей Николаевди милли проектарин дахилнаъди диврайи тикилишар гьяракатниинди тикмш дапIну ккуниваликан гъапну.