Дагъустандиъ аьхиримжи гьяфтайиъ гъахьи рякъюнна транспортдин 29 дюшюшдиъ 10 кас уьмрихъ мягьрум гъахьну, гьадму гьисабнаан 1 бицIирра, 41 касдиз жюрбежюр дережайин гъагъивалин зийнар гъахьну.
ВаритIан гъагъи аварйирикан саб Хасавюрт райондиъ, «Кавказ» федералин рякъюн 741 километриин арайиз гъафну. Дидин натижайиъ кьюр кас гъийихну, гьадму гьисабнаан 3 вазлин бицIирра, 3 касдиз жюрбежюр зийнар духьну, больницайиъ ккаъну.
Республикайин ГИБДД-йин вакилари нубатнан ражну машинар хъаърударикан ва рякълан улдучIвурайидарикан рякъюн гьяракатвалин къайдйир ижмижнаан уьрхюб ккун апIура.
