Урусатдин Правительствойи, уьлкейиъ касибарин кьадар кам апIбан бадали, бюджетдихьан удукьруганси яшайишдин кюмек тувбан гьякьнаан месэла гьял апIура.
Урусатдиъ касибвалихъди женг гъабхбан месэла гьял апIури, министрарин кабинетди 2030-пи йисаз думу кьюб ражари цIиб апIбан уьлчмйир кьабул апIбанди ву. Гьаддин гьякьнаан премьер-министр Михаил Мишустинди улихьнаси мялум гъапIнийи.
Шубуд йис’ан ургуд йисаз яш вуйи бицIидар айи хизанариз адресно вуди пулин кюмек тувуз хъюгънайивалра гьаму рякъюъ алдагъурайи гамар ву. Яваш-явашди, пул туврайи бицIидарин яшнан кьадар за апIури, му рякъ давам апIиди.
Урусатдин Счётная палатайин кIулиъ айи Алексей Кудриндин гафариинди, ихь уьлкейиз му месэла гьял апIуз лазим вуйи швнуб-саб варж миллиард манат дакьатарин кьитвал адар. Дугъан гафариинди, 2020-пи йисан Урусатдиъ касибарин жергйирик 12,1 % уьлкейин агьалйир, яна 17 миллионтIан зина инсанар кахьрайи.
