Гьаму йигъари Каспийск шагьриъ Аьли Аьлиевдин ччвурнахъ хъайи спортдин дараматдиъ спортдин греко-римский жюрейиинди юкьяр дисбаан Кафари Кавказдин федеральный округдин чемпионат кIули гъубшну. Думу талитариъ гъагънан жюрбежюр категорйириъ Дагъустандин спортсменари 13 медаль гъазанмиш гъапIну.

 

Чемпионатдиъ СКФО-йин регионариан гъагънан 10 жюрейиъ 126 спортсмен иштирак гъахьну.

Дагъустандин спортсменари турнириъ 3 гъизилин, 2 арсран ва 6 кемшрин медалар гъадагъну. Ихь республикайиан Мансур Расулов 60 килограмм гъагъ айи, Айгъази Минатуллаев – 77 килограмм гъагъ айи ва Гьямзат Юсупов – 97 килограмм гъагъ айи спортсменарин арайиъ СКФО-йин чемпионар гъахьну.

Кьюбпи йишвар Максим Гоковди 55 килограмм гъагъ айи, Мягьямед Гьяжиевди 60 килограмм гъагъ айи, Каримуллагь Муртузовди 72 килограмм гъагъ айи ва Аьбдулязиз Мягьямедовди – 82 килограмм гъагъ айи спорт-сменарин арайиъ гъадагъну.

Шубубпи йишван сагьибар Мягьямед Аьлиев (60 килограмм), Абакар Халилов (67 килограмм), Рустам Мусаев (72 килограмм), Мягьямед Идрисов (72 килограмм), Артур Асельдеров (82 килограмм) ва Расул Нургьяжиев (82 килограмм) гъахьну.