22-пи декабриъ РД-йин Халкьдин Собраниейин йирхьубпи сессия кIули гъубшну. Душваъ «2022-пи йисаз ва 2023-2024-пи йисарин планламиш дапIнайи вахтназ РД-йин республикайин бюджетдин гьякьнаан» РД-йин Къанун кьабул гъапIну.
Бюджетдиъ тIау дигиш’валарикан улхури, бюджетдин, финансарин ва налогарин Комитетдин председатель Марат Ильясовди къайд гъапIганси, республикайин бюджетдин гъазанжар 12,1 млрд манатдиинди артухъ гъахьну. Республикайин инвестицйирин прог-рамма уьмриз кечирмиш апIуз аьлава гъазанжар жара гъапIну. БицIидарин багъар, мектебар, больницйир, яша-йишдин инфраструктурайин дараматар тикмиш апIувал планламиш дапIна.Бюджетдиъ тIау дигиш’валарикан улхури, бюджетдин, финансарин ва налогарин Комитетдин председатель Марат Ильясовди къайд гъапIганси, республикайин бюджетдин гъазанжар 12,1 млрд манатдиинди артухъ гъахьну. Республикайин инвестицйирин прог-рамма уьмриз кечирмиш апIуз аьлава гъазанжар жара гъапIну. БицIидарин багъар, мектебар, больницйир, яша-йишдин инфраструктурайин дараматар тикмиш апIувал планламиш дапIна.Вахтназ вуди РД-йин финансарин министрин вазифйир тамам апIурайи Аьли Исмяиловди чан докладдиъ къайд гъапIганси, налогарин ва налогарин дару гъазанжар 665,5 млн манатдиинди за гъахьну.
Федеральный бюджет кьабул апIбалан кьяляхъ гъафи трансфертар, дотацйир, субсидйир ва субвенцйир гьисабназ гъадагъган, гъазанжарин уьмуми кьадар 170,5 млрд манат гъабхьну.Вахтназ вуди РД-йин зегьметнан ва яшайишдин артмиш’валин министрин вазифйир тамам апIурайи Изумруд Мюгьюдиновайи, «Инвалидариз, Афгъанистандин дявдин ветеранариз, думу дявдиъ гъийихдарин хизанариз яшайишдин кюмек тувбан аьлава уьлчмйирин гьякьнаан» РД-йин Къанундиъ дигиш’валар тIаъбан гьякьнаан улхури, кудухнайи агьалйирин гъатариз уьмурлугъ вуди гьар вазлиъ туврайи пулин кьадар 2 агъзурилан 10 агъзуриина за дапIну ккуниваликан гъапну.Хъасин РД-йин Халкьдин Собраниейин председатель Заур Аскендеровди 7-пи дих апIбан парламентдин ляхнин натижйир гъивнийи.Дугъан гафариз асас вуди, ктабхъурайи йисан РД-йин Халкьдин Собраниейин цIийи гъурулушди 6 сессия кIули гъухну, 38 къанун ва 63 къарар кьабул гъапIну. Мидланра савайи, 14-пи октябриъ депутатари республикайин Глава ктагъну.Сессияйин аьхириъ Халкьдин Собраниейин председатели депутатарин терефнаан республикайин Глава Сергей Меликовдиз, сатIиди ляхин апIбаз лигну, чухсагъул мялум гъапIнийи.
